ඇමති ලාල් කාන්තටත් අල්ලස්.!

බඩ ඉරිඟු ආනයනකරුවන් පිරිසක් විසින් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල් කාන්ත මහතාට අල්ලස් ලබාදෙන්නට දැරූ උත්සාහයක් ගැන චෝදනා කර තිබේ.

අමාත්‍ය ලාල් කාන්ත මහතා උත්සවයකදී අදහස් දක්වමින් මේ බව අනාවරණය කර සිටියේය.

“පසුගිය මාස හතර ඇතුළත, සමහර අය මාව හමුවීමට ආවා. ඔවුන් මට බඩ ඉරිඟු ආනයනය කිරීමට අවසර දෙන ලෙස ඉල්ලා සිටියා. ඔවුන් මට මෙතරම් මුදලක් ලබා දෙන බව කිව්වා,” ඔහු හෙළි කළේය.
“නමුත් මා ඊට ‍සූදානම් නැහැ. මං ඒ යෝජනා ප්‍රතික්ෂේප කළා” යනුවෙන්ද ඔහු කීය.

දේශපාලනයෙන් දූෂණය සම්පූර්ණයෙන්ම තුරන් කර ඇති බව රජය ඔප්පු කර ඇති බව අමාත්‍ය ලාල් කාන්ත මහතා පැවසීය.

කෙසේ වෙතත්, රාජ්‍ය සේවාවන්හි දූෂණය බහුලව පවතින බව ඔහු තවදුරටත් පැවසූ අතර, “ඒකටත් විසඳුම් අවශ්‍යයි” යනුවෙන් ද පැවසීය.