2026 විස්සයි විස්ස ලෝක කුසලාන ක්රිකට් තරගාවලියේ ශ්රී ලංකා කණ්ඩායම සහ ඔස්ට්රේලියානු කණ්ඩායම අතර පැවති තරගය ජයග්රහණය කිරීමට ශ්රී ලංකා කණ්ඩායම සමත් විය.
ඒ අනුව ඔස්ට්රේලියානු කණ්ඩායමට එරෙහිව කඩුලු 08ක ජයක් වාර්තා කරමින් ශ්රී ලංකා කණ්ඩායම මෙවර විස්සයි විස්ස ලෝක කුසලාන තරගාවලියේ සුපිරි 8 දෙනාගේ වටයට පිවිසීමට සමත් විය.
වසර 17කට පසුව ශ්රී ලංකා කණ්ඩායම ඔස්ට්රේලියානු කණ්ඩායමට එරෙහිව විස්සයි විස්ස ලෝක කුසලාන තරාගවලියකදී ජයග්රහණයක් වාර්තා කිරීම සුවිශේෂී කරුණකි.
කුසල් මෙන්ඩිස් මෙවර විස්සයි විස්ස ලෝක කුසලාන තරගාවලියේ පිට පිටම වාර්තා කළ 3 වන අර්ධ ශතකය ඔස්ට්රේලියාවට එරෙහිව රැස් කළේය.
ඒ අනුව විස්සයි විස්ස ලෝක කුසලාන තරගාවලියකදී අඛණ්ඩව අර්ධ ශතක 3ක් රැස් කළ දෙවන ශ්රී ලාංකික පිතිකරුවා බවට කුසල් මෙන්ඩිස් වාර්තා අතරට එක් විය.
පැතුම් නිස්සංක විස්සයි විස්ස ලෝක කුසලාන තරගාවලියකදී ශ්රී ලංකාව වෙනුවෙන් ශතකයක් රැස් කළ දෙවන ක්රීඩකයා බවට පත් විය.
මීට පෙර විස්සයි විස්ස ලෝක කුසලාන තරගයකදී ශ්රී ලංකාව වෙනුවෙන් ශතකයක් රැස් කළ එකම පිතිකරුවා වූයේ, මහේල ජයවර්ධන පමණි.
ඒ අනුව මෙවර විස්සයි විස්ස ලෝක කුසලාන ක්රිකට් තරගාවලියේ ශතකයක් රැස් කළ පළමු පිතිකරුවා බවට පැතුම් නිස්සංක පත්විය.