මැදපෙරදිග යුදමය වාතාවරණය හේතුවෙන් ගෝලීය නැව් ගමනාගමනයට එල්ල වී ඇති බාධා හමුවේ, ශ්රී ලංකාව ලොව සුපිරි මෝටර් රථ ගබඩා කර තබන මධ්යස්ථානයක් බවට පත්ව ඇති බව විදෙස් මාධ්ය වාර්තා කරයි.
ඩුබායි රාජ්යයේ ගැනුම්කරුවන් වෙත රැගෙන යාමට නියමිතව තිබූ ලැම්බෝගිනි (Lamborghini), රෝල්ස් රොයිස් (Rolls-Royces) සහ ෆෙරාරි (Ferrari) වැනි සුපිරි පන්තියේ මෝටර් රථ 50ක් පමණ මේ වන විට ශ්රී ලංකාවේ සහ චීනයේ වරායන්හි ගොඩබෑමට නැව් සමාගම් පියවර ගෙන ඇත.
ඒ අනුව ඩුබායි වෙත යාමට නොහැකි වූ වාහන රැගත් නෞකා ශ්රී ලංකාව දෙසට හැරවීම නිසා පසුගිය දිනවල හම්බන්තොට වරායේ දැඩි තදබදයක් ඇතිවී තිබෙන අතර සාමාන්ය පාවිච්චි කළ ජපන් වාහන 500කට අධික ප්රමාණයක් දින 10කට වඩා වැඩි කාලයක් මුහුදේ රැඳී සිටීමෙන් පසු ගොඩබෑමට සිදුව ඇත.
පවතින යුද තත්ත්වය සමනය වන තෙක් හෝ විකල්ප මාර්ගයක් විවෘත වන තෙක් ශ්රී ලංකාව වැනි දකුණු ආසියානු වරායන් “රැඳවුම් මධ්යස්ථාන” ලෙස භාවිත කිරීමට ජාත්යන්තර වෙළඳුන් තීරණය කර ඇත.