By unusuma.lk on (LK time)
අල්ලස් හෝ දූෂණ චෝදනා විමර්ශන කොමිෂන් සභා ආරංචි මාර්ග අනුව හිටපු ප්‍රබල අමාත්‍යවරුන් සිව්දෙනෙකු සහ රාජ්‍ය අමාත්‍යවරුන් දෙදෙනෙකුට අල්ලස් චෝදනා යටතේ ඉදිරියේදී කොළඹ මහාධිකරණයේ නඩු පැවරීමට නියමිත බව වාර්තා වෙයි.
මේ අය අතරේ කොළඹ, කුරුණෑගල, බදුල්ල හා මඩකලපුව යන දිස්ත්‍රික්ක නියෝජනය කළ හිටපු ප්‍රබල ඇමතිවරුන් වෙති.
අල්ලස් චෝදනා යටතේ සිදු සිදු කළ විමර්ශන අවසන් කරමින් මෙලෙස නඩු පැවරීමට අදාළ කටයුතු මේ වන විටත් ආරම්භ කොට ඇති බවත් මේ සියලු ම විමර්ශන 2015 වසරෙන් පසු ආරම්භ කළ ඒවා බවත් එම ආරංචි මාර්ග පවසයි.
මෙම අමාත්‍යවරුන් සහ රාජ්‍ය අමාත්‍යවරුන් සිය බලය අනිසි ලෙස භාවිත කරමින් මෙම අල්ලස් ගැනීමේ වැරදි සිදු කොට ඇති බව ද එම ආරංචි මාර්ග තවදුරටත් පවසයි.
අමාත්‍යවරුන් ලෙස සිය බලය අනිසි ලෙස යොදා ගනිමින් රජයට පාඩු කිරීම සහ අයථා ලෙස මුදල් එක රැස් කිරීම යන අල්ලස් කොමිෂන් සභාවේ 70 වන වගන්තියට අනුව මෙම නඩු පැවරීම් සිදු කරන බව ද ආරංචි මාර්ග වැඩිදුරටත් සඳහන් කළේ ය.
News Source – Mawbima
