ලෝකය පුරා ප්‍රසිද්ධ ෂීබා ඉනූ සුනඛ වර්ගයට අයත් කබෝසු නම් සුනඛයා ලියුකේමියාව සහ අක්මා රෝගය හේතුවෙන් මියගොස් ඇත.
මෙම කබෝසු සුනඛයා ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන අතර ජපානයේ සකුරා නගරයේ ළදරු පාසල් ගුරුවරියක් එම සුරතලාගේ හිමිකරු වේ.
එම සුරතලාගේ හිමිකරු සදහන් කළේ,
” කබෝසුට ආදරය කළ ඔබ සැමට, මැයි 24 දින උදෑසන, කබෝසු දේදුනු පාලම තරණය කළේය. වසර ගණනාවක් පුරා ඔබ දැක්වූ සහයෝගයට බොහෝම ස්තූතියි. ඇය දුක් විඳීමකින් තොරව ඉතා සාමකාමීව, මගේ දෑත් ඇයව හුරතල් කරන විට නින්දට වැටුණාක් මෙනි. මේ අවුරුදු ගණනාව පුරාම කබෝසුට ආදරය කිරීම ගැන ඔබ සැමට බොහොම ස්තුතියි.”
