තිදෙනෙක් සමඟ ගසාගෙන ගිය කැබ් රථය බැලුම්මහර තරුණයින් බේරාගනී.!

ඊයේ (02) සවස් කාලයේ ප්‍රදේශ රැසකට ඇද හැළුණු තද වර්ෂාවත් සමග බැලුම්මර – කඩුවෙල මාර්ගයෙද අඩි 5කට වඩා ජලයෙන් යටවී තිබූ අතර, එම ජලය නොතක මාර්ග හරහා ගමන් කිරීමට උත්සාහ කළ Hilux Double cab රථයක් ජලයේ පාවීම හේතුවෙන් සැඩ පහරේ ගසාගෙන යෑමට ගොස් තිබේ.

බැලුම්මහර හන්දියේදී මෙම සැඩ පහරට හසුවූ කැබ් රථය ගසාගෙන යන අවස්ථාවේදී අසල සිටි තරුණයෝ පිරිසක් එක්ව සැඩ පහරට බැස කැබ් රථය අල්ලාගෙන ඇත.

එම තරුණයන්ගේ මැදිහත් වීම හේතුවෙන් සිදුවීමට ගිය විශාල අනතුරක් මඟ හැරුණු බව සිදුවීම දුටු පිරිස් ප්‍රකාශ කළෝය.