ලොව විශාලතම ප්‍රජාතන්ත්‍රවාදී මැතිවරණය ලෙස සැලකෙන ඉන්දිය මහ මැතිවරණය ජය ගැනීමට අග්‍රාමාත්‍ය නරේන්ද්‍ර මෝදිගේ පක්ෂ සන්ධානය පසුගියදා සමත් විය.
ඒ අනුව ඉන්දීය අග්‍රාමාත්‍ය ධූරය සඳහා නැවතත් තේරී පත් වූ නරේන්ද්‍ර මෝදිගේ දිවුරුම් දීමේ උත්සවය අද (09) දින ඉන්දීය ජනපති නිල නිවස වන රාශ්ට්‍රපති භවන්හීදී පැවැත්වීමට නියමිතව ඇත.
මෙම උත්සවය සදහා අසල්වැසි රටවල රාජ්‍ය නායකයින් ඇතුළුව 8,000ක පමණ පිරිසකට ආරාධනා කර ඇති අතර ශ්‍රී ලංකා ජනාධිපති රනිල් වික්‍රමසිංහ, බංග්ලාදේශ අගමැතිනි ෂෙයික් හසීනා, නේපාල අගමැති පුෂ්ප කමල් දහාල් ඇතුළු විශාල පිරිසක් එක්වීමට නියමිතව ඇත.
මේ අතර දේශසීමා ආසන්න විශේෂ රථ වාහන පරීක්ෂා කිරීමක් ආරම්භ කර ඇති අතර අගනුවර ගුවන් ගමන් තහනම් කලාපයක් ලෙස නම් කර ඇති බවත් මහජන ඒකරාශී වීම් තහනම් කරමින් රාශ්ට්‍රපති බවන් අවට කමාන්ඩෝ නිලධාරීන් සහ ස්නයිපර්වරුන් යොදවා ඇති බව විදෙස් මාධ්‍ය වාර්තා කරයි.
තවද අවට ඩ්‍රෝන යානා මගින් නිර්ක්ෂණය කරන බවත් රාජ්‍යතාන්ත්‍රිකයින් නවාතැන් ගන්නා හෝටල් අවට විශේෂ ආරක්ෂාවක් යොදවා ඇති බවද විදෙස් මාධ්‍ය වාර්තා කරයි.
