ඉන්දීය ප්‍රකට ධන කුවේරයෙකු වන මුකේෂ් අම්බානිගේ පුතු වන ආනන්ත් අම්බානි සහ රාධිකා මර්චන්ට්ගේ යුගයේ වැඩිම පිරිවැයක් දැරූ විවාහ මංගල උත්සවය ලෙස සැලකෙනා දින 03ක විවාහ මංගල්‍ය මුම්බායි හි ජියෝ ජාත්‍යාන්තර සම්මේලන මධ්‍යස්ථානයේදී අද (12) ආරම්භ විය.
හින්දු චාරිත්‍රානුකූලව සිදු කෙරෙනා මෙම විවාහ මංගල උත්සවයේ පළමු දිනයේදී අද පැවැත්වෙනා අතර, ඒ සඳහා බොලිවුඩ්, හොලිවුඩ් තරු මෙන්ම ලොව ප්‍රමුඛ පෙළේ ව්‍යාපාරිකයින් සහ දේශාපලනඥයින්ද ඇරියුම් ලබා ඇති බව වාර්තා වේ.
අම්බානි පවුලේ ආරාධනයට අනුව විවාහ උත්සාහයට සහභාගී වීම සඳහා බ්‍රිතාන්‍ය හිටපු අගමැතිවරුන් වන බොරිස් ජොන්සන් සහ ටොන් බ්ලෙයාර්ද මුම්බායි වෙත පැමිණ ඇත.
අම්බානි පවුලට විවාහය සඳහා ඉන්දීය රුපියල් කෝටි 5,000කට ආසන්න මුදලක් වියදම් කෙරෙනු ඇති අතර එය ඔවුන්ගේ මුළු ධනයෙන් සියයට 0.05ක් පමණක් වන බව ඉන්දීය මාධ්‍ය වාර්තා කර ඇත.
