අද උදෑසන එක්සත් ජනපදයේ හිටපු ජනපති ඩොනල්ඩ් ට්‍රම්ප්ට වෙඩි ප්‍රහාරයක් එල්ල කළ තෝමස් මැතිව් කෲක්ස් නමැති 20 හැවිරිදි තරුණයා ඇමරිකානු ආරක්ෂක හමුදා ස්නයිපර් කරුවන් විසින් තප්පර 45ක් ඇතුලත වෙඩි තබා ඝාතනය කළ බව එරට මාධ්‍ය වාර්තා කර ඇත.
එම වෙඩික්කරු පෙන්සිල්වේනියාවේ බෙතල් පාක් හි පදිංචිකරුවෙක් බවට හඳුනාගෙන ඇති අතර ඔහු ස්නයිපර් අවියක් භාවිතාකර ට්‍රම්ප්ට වෙඩි ප්‍රහාර 8 ක් එල්ල කර ඇති අතර ඉන් එක් වෙඩි ප්‍රහාරයකින් ට්‍රම්ප්ගේ දකුණු කනට වැදී තිබුනි.
කෙසේවෙතත්, එම වෙඩි පහර එල්ලවීමත් සමඟ ක්‍රියාත්මක වූ ට්‍රම්ප්ගේ ආරක්ෂාවට යොදවා සිටි ආරක්ෂක හමුදා ස්නයිපර් වරුන් ක්ෂණිකව ක්‍රියාත්මක වී සැඟව සිටි වෙඩික්කරු හඳුනාගෙන එල්ල කළ වෙඩි ප්‍රහාරයකින් ඔහු තප්පර 45ක් ඇතුලත ඝාතනය කරන ලද බව පැවසේ.
කෙසේවෙතත්, විදේශ මාධ්‍ය සඳහන් කරනුයේ එක්සත් ජනපදයේ සිදුවූ මෙවැනි සිදුවීමකින් එරට ආරක්ෂක හමුදා සහ බුද්ධි අංශවල දුර්වල භාවය ලොවට පෙන්වූ බවයි.
