හිටපු පාර්ලිමේන්තු මන්ත්‍රී නාමල් රාජපක්ෂ එළඹෙන මහ මැතිවරණයට කුරුණෑගල දිස්ත්‍රික්කයෙන් ඉදිරිපත්වනු ඇති බවට පළවන ප්‍රචාර සම්බන්ධයෙන් නිවේදනයක් නිකුත් කර ඇත.
පැවැත්වීමට නියමිත මහ මැතිවරණයේදී හිටපු පාර්ලිමේන්තු මන්ත්‍රී නාමල් රාජපක්ෂ කුරුණෑගල දිස්ත්‍රික්කයෙන් තරග කරන බවට පළවන වාර්තා අසත්‍ය බව නාමල් රාජපක්ෂගේ මාධ්‍ය ඒකකය නිවේදනය කරයි.
තමන්ව වැඩිම මනාපයෙන් පාර්ලිමේන්තුවට තෝරාපත් කළ හම්බන්තොට දිස්ත්‍රික්කයේ ජනතාව කෘතගුණ පුර්වකව සිහිපත් කරමින් හම්බන්තොට දිස්ත්‍රික්කයේ ජනතාව සමග ඉදිරියට දේශපාලනයේ නිරතවන බව එම නිවේදනයේ සදහන් වේ.
මහ මැතිවරණයේදී එක් එක් අපේක්ෂකයන් තරග කරන දිස්ත්‍රික්ක හා ඊට අදාළ අවසන් එකඟතාවන් මේ දක්වා ශ්‍රී ලංකා පොදුජන පෙරමුණ විසින් තීරණය කර නොමැති බවද සදහන් කරයි.
