By unusuma.lk on (LK time)
අද (05) දින උදෑසන රික්ටර් මාපක 6.9ක ප්‍රබල භූමිකම්පාවක් පැපුවා නිව්ගිනියාව අසල ඇති වූ බව අමෙරිකාවේ භූ විද්‍යා සමීක්ෂණ ආයතනය සදහන් කරයි.
පැපුවා නිව්ගිනියාවට අයත් දූපතක්වන නව බ්‍රිතාන්‍ය දූපත ආසන්නයේ මෙය සිදුව ඇති අතර එම දූපතේ අගනුවරට කිලෝමීටර් 194ක් ගිනිකොන දෙසින් මෙම භූමිකම්පාව සිදුව තිබෙන බව අමෙරිකාවේ භූ විද්‍යා සමීක්ෂණ ආයතනය සදහන් කරයි.
මෙම භුමිකම්පාව හේතුවෙන් එරට වෙරළබඩ ප්‍රදේශවලට අනතුරුදායක සුනාමි රළ ඇති විය හැකි බවට පුරෝකථනය කර සුනාමි අනතුරු ඇඟවීම් නිකුත් කිරීමටද කටයුතු කර ඇත.
අමෙරිකාවේ භූ විද්‍යා සමීක්ෂණ ආයතනය තවදුරටත් සදහන් කළේ, මෙම භූමිකම්පාවෙන් අනතුරුව රික්ටර් මාපකයේ 5.3ක පසුකම්පනයක් ඇතුළුව පසුකම්පන කිහිපයක් ඇති වූ බවයි.
