දළඳා වඳින්න පහසුකම් පුළුල් කරයි.!

දුම්රිය දෙපාර්තමේන්තුව පවසන්නේ සිරි දළදා වන්දනාවට පැමිණෙන ජනතාවගේ ඉහළ යාම හේතුවෙන් නව අතිරේක දුම්රිය දෙකක් යෙදවීමට පියවර ගත් බවයි.

ඒ අනුව දුම්රිය දෙපාර්තමේන්තුව තීරණය කර ඇත්තේ අද (19) සිට එළැඹෙන 28 වැනිදා දක්වා මෙම අතිරේක දුම්රිය සේවා ක්‍රියාත්මක කිරීමටයි.

එම දුම්රිය මහනුවර දක්වා දුම්රියක් සෑම දිනකම පස්වරු 07.55ට ‍කොළඹ කොටුවෙන් ආරම්භ කිරීමට පියවර ගෙන ඇති අතර එම දුම්රිය රඹුක්කන දුම්රිය ස්ථානයට පස්වරු 10.27 ළඟා වී රඹුක්කනින් පස්වරු 10.40ට යළි පිටත්ව මහනුවර දුම්රිය ස්ථානයට මධ්‍යම රාත්‍රී 12.00ට ළඟා වීමටද නියමිත ව තිබේ.

එමෙන්ම මහනුවර සිට කොළඹ බලා සෑම දිනකම පස්වරු 08.30ට දුම්රියක් ක්‍රියාත්මක කිරීමට පියවර ගෙන ඇති අතර එම දුම්රිය රඹුක්කන දුම්රිය ස්ථානයට පස්වරු 09.50ට ළඟා වීමට නියමිත අතර රඹුක්කනින් පස්වරු 10.35ට යළි කොළඹ බලා පිටත් වීමටද නියමිත අතර එම දුම්රිය කොළඹ කොටුවට දුම්රිය ස්ථානයට මධ්‍යම රාත්‍රී 12.00ට ළඟා වීමට නියමිතය.