By unusuma.lk on (LK time)
මෙවර පළාත් පාලන මැතිවරණයේ ශ්‍රී ලංකා පොදුජන පෙරමුණ යටතේ තරඟ වදින හිටපු ප්‍රාදේශීය සභා මන්ත්‍රී මහේෂ් දුමින්ද තැනැත්තා විසින් එල්ල කළ වෙඩි ප්‍රහාරයට ලක්ව මියගොස් ඇත්තේ රොෂාන් බුද්ධික පරණවිතාරණ නොහොත් ‘ගෙම්බා’ යන අනුවර්ත නාමයෙන් හඳුන්වන පුද්ගලයෙක් බව වාර්තා වේ.
කටාන, කටියල ප්‍රදේශයේ පුද්ගලයකු වන ඔහු කටාන ප්‍රාදේශීය සභාවට මෙවර තරගවදින හිටපු ප්‍රාදේශීය සභා මන්ත්‍රීවරයාට පිහි ප්‍රහාරයක් එල්ල කිරීමට ගත් උත්සාහයේදී ඔහු විසින් එල්ල කළ වෙඩි ප්‍රහාරයකින් ජීවිතක්ෂයට පත්වී ඇති බව කටාන පොලිසිය පවසයි.
පිහි ප්‍රහාරයකට ලක්ව හිටපු මන්ත්‍රීවරයාද තුවාල ලබා පොලිස් ආරක්‍ෂාව යටතේ මීගමුව රෝහලේ ප්‍රතිකාර ලබමින් සිටියදී කටාන පොලීසිය විසින්අ ත්අඩංගුවට ගෙන ඇත.
මියගිය පුද්ගලයා හොරකම්, නීතිවිරෝධී මත්ද්‍රව්‍ය ජාවාරම් ඇතුළු විවිධ අපරාධ සම්බන්ධයෙන් චෝදනා ලැබූ අයෙක් බවට වාර්තා වේ.
පෙරේදා රාත්‍රී 7.00 ට පමණ මහේෂ් දුමින්ද කටාන, කටියාල ප්‍රදේශයේ සිය ආධාරකරුවකු මුණගැසීමට පැමිණි අවස්ථාවේ ඝාතනයට ලක්වූ ගෙම්බා නමැත්තා බීමතින් එහි පැමිණ මහේෂ් දුමින්ද සමග ආරවුලක් ඇති කරගෙන ඇත.
පසුව ඔහු සඟවාගෙන සිටි පිහියක් ගෙන ඔහුට පහරදීමේදී මහේෂ් දුමින්ද විසින් සිය පුද්ගලික ආරක්‍ෂාවට ළඟ තබාගෙන සිටි පිස්තෝලයෙන් ගෙම්බා නමැත්තාට වෙඩි තබා ඇත.
වෙඩි ප්‍රහාර 8ක් ඔහු වෙත එල්ල කර ඇති අතර ගෙම්බා සිද්ධිය වූ ස්ථානයේම මියගොස් ඇති අතර ගෙම්බා නමැත්තාගේ ප්‍රහාරයට ලක්වූ මහේෂ් දුමින්ද රෝහල්ගත කිරීමට ප්‍රදේශවාසීන් කටයුතු කර තිබිණි.
