By unusuma.lk on (LK time)
රාජ්‍ය විශ්වවිද්‍යාලවල ආන්දෝලනයට තුඩුදී ඇති නවකවධය සම්බන්ධයෙන් සාකච්ඡා කිරීම සඳහා දිවයිනේ සියලු විශ්වවිද්‍යාලවල උප කුලපතිවරුන්, අද(05) වහාම ක්‍රියාත්මක වන පරිදි විශ්වවිද්‍යාල ප්‍රතිපාදන කොමිෂන් සභාවට කැඳවා තිබේ.
මේ අතර, නවක වධයට දිගු කාලීන විසඳුම් සෙවීම වෙනුවෙන් අගමැතිනි හරිනි අමරසූරියගේ ප්‍රධානත්වයෙන් පැවැත්වෙන රැස්වීමක් සඳහා උසස් අධ්‍යාපන අමාත්‍යාංශයද දිවයිනේ උපකුලපතිවරුන් කොළඹට කැඳවා ඇති බව වාර්තා වෙනවා.
සබරගමුව විශ්වවිද්‍යාලයේ සිසුන්ට නවක වදය ලබාදීම සම්බන්ධයෙන් අත්අඩංගුවට ගත් සිසුන්, අද(05) බලංගොඩ මහේස්ත්‍රාත් අධිකරණයට ඉදිරිපත් කිරීමට නියමිතව තිබේ.
අපරාධ පරික්ෂණ දෙපාර්තමේන්තු නිලධාරීන් විසින් අදාළ සිසුන් ඊයේ අත්අඩංගුවට ගනු ලැබීය.
