By unusuma.lk on (LK time)
ජනාධිපති අනුර දිසානායක මහතා ග්‍රීසියේ විශාල මුදල් ආයෝජනයක් කර ඇති බවට ජාතික ලොතරැයි මණ්ඩලයේ හිටපු ක්‍රියාකාරී අධ්‍යක්ෂක තුසිත හල්ඔලුව විසින් පසුගියදා ප්‍රසිද්ධ මාධ්‍ය ඉදිරියේ සිදු කරන ලද ප‍්‍රකාශය සම්බන්ධයෙන් විමර්ශනයක් කරන ලෙස ඉල්ලමින් අපරාධ පරීක්‍ෂණ දෙපාර්තමේන්තුවට මේ වනවිට පැමිණිල්ලක් ලැබී තිබේ.
මෙම අසත්‍ය චෝදනාවට එරෙහිව ජනාධිපතිවරයා වෙනුවෙන් නීතීඥ අකලංක උක්වත්ත ඇතුළු පිරිසක් විසින් එම පැමිණිල්ල ගොනුකර ඇත.
ඒ අනුව ඉදිරියේදී තුසිත හල්ඔලුව මහතාට එම චෝදනා අධිකරණය ඉදිරියේදී ඔප්පු කිරීමට සිදුවනු ඇත.
ප්‍රවීන නීතීඥවරු, සමාජ ක්‍රියාකාරීන් මෙන්ම දේශපාලන විශ්ලේෂකයන් පවසන්නේ අදාළ චෝදනා සාධාරණ සැකයෙන් ඔබ්බට සනාථ කිරීමට නොහැකි වුවහොත් හල්ඔලුව මහතාට නිසැක වශයෙන්ම කීර්තිනාමය හානි කිරීමකට වන්දි ගෙවීම් වශයෙන් වන ඉතිහාසයේ වැඩිම මුදල ගෙවීමට හෝ ඒ වෙනුවෙන් සිර දඬුවම් විඳීමට සිදුවනු ඇති බවයි.
රටක පළමු පුරවැසියා ලෙස සැලකෙන ජනපතිවරයාගේ කීර්ති නාමය සඳහා වන මූල්‍යමය වටිනාකම මෙතෙක් ගණනය කර නැති නමුත් එය නිසකවම රුපියල් බිලියන ගණනක් විය හැක.
ලංකාවේ වාර්තාගත ඉහළම අපහාස වන්දි ඉල්ලුම (defamation damages claim) ලෙස හැඳින්විය හැක්කේ 2007දී ගෝඨාභය රාජපක්ෂ ආරක්ෂක ලේකම්වරයාව සිටි අවධියේ සන්ඩේ ලීඩර් පත්තරයට එරෙහිව ඉල්ලූ රුපියල් බිලියනයක වන්දි මුදලයි.
