By unusuma.lk on (LK time)
මසකට රුපියල් ලක්ෂයක දීමනාවක් උඩවලව උක් පර්යේෂණ ආයතනයේ ඉහළ නිලධාරියකු තම නිල වාහනයේ ඉන්ධන වෙනුවෙන් ලබා ගනිද්දී එම වාහනය පසෙක තබා ආයතනයේ සංචිතයේ වාහන භාවිතා කරමින් නිල ගමන් යන බව ආරංචි මාර්ග වාර්තා කරයි.
කඩා වැටී තිබෙන මෙම ආයතනය ගොඩනැගීම සදහා අවශ්‍ය පරිපාලන සහාය ලබාදෙනවා වෙනුවට ඉහළ නිලධාරීන් තවදුරටත් ආයතනය කඩා වැටෙන තැනට පත් කරමින් සිටින බවද වාර්තා වේ.
නියමිත රාජකාරි කාලය තුළ ඇතැම් සේවකයන් විදේශිකයන් ප්‍රවාහනය, හකුරු කම්හලක වැඩ කිරීම වැනි නිලධාරීන්ගේ ව්‍යාපාර වල සහ පෞද්ගලික උපකාරක පංති පැවැත්වීම වැනි වෙනත් රැකියාවල නිරත වන බවද වාර්තා වේ.
චක්‍රලේඛ උල්ලංඝනය කරමින් හා වගකීම් වලින් බැහැරව කටයුතු කිරීමට ඉහළම නිලධාරියාගේ සිට පහළම සේවකයා දක්වා පුරුදු වී සිටින බවත් ආයතනය රැක ගැනීමට කැමැති සේවකයන් මේ ගැන කර්මාන්ත ඇමැති සුනිල් හඳුන්නෙත්තිට ලිඛිතව දැනුම් දී ඇති බවද වාර්තා වේ.
