By unusuma.lk on (LK time)
දේශපාලන අවශ්‍යතා මත වෛද්‍යවරුන් පත් කිරීම සහ වෛද්‍ය පුරප්පාඩු පිරවීම හිතුමතේ සිදු වන්නේ නම් ඊට එරෙහිව වෘත්තීය ක්‍රියා මාර්ගයකට යාමට සිදු වන බවට රජයේ වෛද්‍ය නිලධාරීන්ගේ සංගමය ආණ්ඩුවට අනතුරු අඟවයි.
ශ්‍රී ජයවර්ධනපුර රෝහලට හා බොරැල්ල කාසල් රෝහලට එකම විශේෂඥ වෛද්‍යවරයකු පත් කිරීමද මුලතිව් සිට කොළඹට මාරුකර ඇති විශේෂඥ වෛද්‍යවරයා දේශපාලන බලපෑම් මත මාරුකර ඇති බවත් වෛද්‍ය ක්ෂේත්‍රයට කරන මෙවැනි මැදිහත්වීම්වලට එකඟ විය නොහැකි බවද එම සංගමයේ මාධ්‍ය ලේකම් වෛද්‍ය චමිල් විජේසිංහ සදහන් කරයි.
වෛද්‍ය ක්ෂේත්‍රයේ පුරප්පාඩු පිරවීම, පත්කිරීම් හා ස්ථාන මාරුකිරීම් යනාදී කරුණු 8ක් පිළිබඳ යෝජනා ඇතුළත් සංදේශයක් පැවැති රජයට සේම වත්මන් රජයටද භාරදී ඇතත් මෙතෙක් ඒවාට පිළිගත හැකි විසඳුමක් ලැබී නැතැයි ද වෛද්‍ය සංගමයේ මාධ්‍ය ලේකම්වරයා සදහන් කරයි.
