By unusuma.lk on (LK time)
ශ්‍රී ලංකා මහ බැංකුව නිවේදනයක් නිකුත් කරමින් සදහන් කළේ, රුපියල් මිලියන එක්ලක්ෂ පනස් පන් දහසක් වටිනා භාණ්ඩාගාර බිල්පත් වෙන්දේසියක් ජනවාරි (22) වනදා පවත්වන බවයි.
දින 91න් කල් පිරෙන රුපියල් මිලියන 35,000ක භාණ්ඩාගාර බිල්පත්, දින 182න් කල් පිරෙන රුපියල් මිලියන 50,000ක භාණ්ඩාගාර බිල්පත් සහ දින 364න් කල් පිරෙන රුපියල් මිලියන 70,000ක භාණ්ඩාගාර බිල්පත් එදින වෙන්දේසි කිරීමට නියමිතය.
මෙම වෙන්දේසිය සදහා ලංසු භාර ගැනීම ජනවාරි (22) වනදා දහවල් 11.00 දක්වා සිදුකෙරෙන බවත් ලංසුවක් සදහා අවම මුදල රුපියල් මිලියන පහක් බව ශ්‍රී ලංකා මහ බැංකුව නිවේදනය කරයි.
මෙම භාණ්ඩාගාර බිල්පත් සදහා ගෙවීම් ජනවාරි (24) වනදා සිදුකිරීමට නියමිතය.
