By unusuma.lk on (LK time)
රුපියල් විසිදෙලක්ෂ අසූ දහසක් වටිනා පැන්සි හෙන්ස් වර්ගයේ කුකුළන් තිදෙනකු සොරකම් කරන ලද සැකකරුවන් දෙදෙනෙකු අත්අඩංගුවට ගත් බව මාවනැල්ල පොලිසිය සදහන් කරයි.
මෙලෙස අත්අඩංගුවට ගෙන ඇත්තේ කෑගල්ල රංවල ප්‍රදේශයේ පදිංචිව සිටින 26 හැවිරිදි පුද්ගලයකු සහ ගලිගමුව දෙඹටන් පිටිය ප්‍රදේශයේ පදිංචිව සිටින 25 හැවිරිදි තරුණයෙකු බව පොලිසිය සදහන් කරයි.
රාත්‍රියේදී රතු පැහැති ත්‍රිරෝද රථයකින් කුකුළන් රැගෙන කෑගල්ල දෙසට ධාවනය කර ඇති බවට කුකුළන් කොටුවේ හිමිකරු දැක ඇති අතර අනතුරුව අනතුරුව හිමිකරු විසින් ත්‍රිරෝද රථයේ අංකය සටහන් කරගෙන මාවනැල්ල පොලිසියට පැමිණිල්ලක් ඉදිරිපත් කර ඇත.
පැමිණිලිකරු මාස කිහිපයකට ඉහතදී යාපනය ප්‍රදේශයෙන් පැන්සි හෙන්ස් වර්ගයේ මාස 11ක් වයසැති ලක්ෂ 14ක් වටිනා කළු පැහැති කුකුළෙකු, අවුරුද්දක් වයසැති රුපියල් ලක්ෂ 8ක් වටිනා රතුපාට කුකුළෙකු සහ මාස හතක් වයසැති රුපියල් 80,000ක් වටිනා සිල්වර් පාට කුකුළු පැටවකු ගෙනවිත් ඇත.
