දිවයින පුරා ප්‍රදේශ රැසක වායු ගුණත්වය අහිතකර මට්ටමක.!

පවතින කාලගුණික තත්ත්වය හා උතරු පෙදෙසින් පැමිණෙන දේශ සීමා ව්‍යාකූල තත්ත්වය හේතුවෙන් අද (28) දින තුළ වායුගුණ තත්ත්ව දර්ශකය 58ත් 120ත් අතර අගයක දිනය පුරාම පැවතිය හැකි බව ජාතික ගොඩනැගිලි පර්යේෂණ සංවිධානය සදහන් කරයි.

යාපනය, කොළඹ, ගාල්ල, ත්‍රිකුණාමලය, මඩකලපුව, පොළොන්නරුව හා අනුරාධපුර යන නගර වල සුළු වශයෙන් අහිතකර මට්ටමක් දක්වා ඉහල යා හැකි බවද ජාතික ගොඩනැගිලි පර්යේෂණ සංවිධානය සදහන් කරයි.

මෙම තත්ත්වය හේතුවෙන් සංවේදී පුද්ගලයින්ට හුස්ම ගැනීමේ අපහසුතා ඇති වුවහොත් වෛද්‍ය උපදෙස් සදහා යොමුවන ලෙසත් දිවයිනේ බොහෝ නගරවල වායුගුණ තත්ත්ව දර්ශකය මධ්‍යස්ථ මට්ටමක පැවතිය හැකි බවද සදහන් කරයි.