හිස මත තැබූ ගිනිඅවිය අක්‍රිය වීමෙන් ජීවිතයක් රැකෙයි.!

කොස්ගොඩ මහඉඳුරුව ප්‍රදේශයේ නිව්සකට කඩාවැදුනු අපරාධකරුවන් විසින් සිදු කිරීමට ගිය ඝාතනයක් ගිනිඅවිය අක්‍රියවීමෙන් වැළකී තිබේ.

යතුරුපැදියකින් පැමිණි පුද්ගලයින් දෙදෙනෙකු විසින් නිවසක් ඉදිරිපිට දී හා නිවස තුළට පැමිණ නිවසේ සිටි පුද්ගලයෙකුට වෙඩිතැබීමට කිහිප වතාවක් උත්සාහ කර ඇතත් ගිනිඅවිය ක්‍රියත්මක වී නොමැති බව වාර්තා වේ.

ඒ සම්බන්ධයෙන් 119 ට ලද පණිවුඩයක් මත විමර්ශන ආරම්භ කර ඇති අතර සිද්ධියේදී ජීවිත හෝ දේපොළ හානි කිසිවක් වාර්තා වී නොමැති බව පොලීසිය සඳහන් කරයි.

නිවස ආසන්නයේ තිබී අපරාධය සඳහා යොදාගත් ගිනිඅවිය බවට සැක කෙරෙන පිස්තෝල වර්ගයේ ගිනිඅවියක් හමුවී ඇති අතර වෙඩිතැබීමට හේතුව මෙතෙක් අනාවරණය වී නොමැත.

සැකකරුවන් අත්අඩංගුවට ගැනීමට කොස්ගොඩ පොලීසිය වැඩිදුර විමර්ශන සිදුකරයි.