By unusuma.lk on (LK time)
අද (31) අළුයම 3.30ට පමණ කඹුරුපිටිය පොලිස් වසමේ දී කාන්තාවක් අභිරහස් ලෙස ඝාතනය කර ඇති බව පොලීසිය පවසයි.
දැනට සිදුකළ විමර්ශනවලදී අනාවරණය වී ඇත්තේ පිහියකින් සහ යකඩ මල් පෝචිචියකින් සිදුකළ පහරදීමකින් මෙම ඝාතනය සිදුකර ඇති බවයි.
වයස 34ක් වූ සුරූපී ගුරුවරියක් මෙලෙස ඝාතණය කර ඇති අතර ඇය අවිවාහක කාන්තාවක් බව සඳහන්.
ඝාතකයා පිළිබඳ මෙතෙක් තොරතුරු අනාවරණය වී නොමැති නමුත් සැකපිට ඇගේ වැඩිමහල් සහෝදරයෙකු අත්අඩංගුවට ගෙන ඇත.
කෙසේවෙතත් ඝාතනයට ලක් වූ කාන්තාවගේ මව තමන් විසින් එම ඝාතනය කළ බවට සැකකාර පුතාට සහ පොලීසියට ලියන ලද ලිපියක් මරණකාරිය වැටී සිටින නිවසේ සාලයේ මේසයක් මත තිබී සොයාගෙන තිබේ.
කඹුරුපිටිය පොලිස් ස්ථානය මේ පිළිබඳ වැඩිදුර විමර්ශන සිදු කරනු ලබයි.
