By unusuma.lk on (LK time)
හිරුණිකා ප්‍රේමචන්ද්‍ර මහත්මිය සහ හිරාන් යතෝවිටව මහතා අතර වසර 10ක විවාහය අවසන් කරමින් දෙදෙනා ස්වාධීනව ජීවත්වීමට තීරණය කර ඇති අතර ඒ පිළිබඳ ඔවුන් දෙදෙනාම සිය මුහුනු පොතේ සටහනක් තබමින් ප්‍රකාශ කර තිබේ.
ඔවුන් දෙදෙනා 2015 වසරේ විවාහ වී සාර්ථක පවුල් ජීවිතයක් ගත කළ අතර ඔවුන්ට දරුවන් තිදෙනෙකුද සිටිනවා.
හිරුණිකා ප්‍රේමචන්ද්‍ර මහත්මිය මධ්‍යම රාත්‍රියේ මුහුනු පොතේ තබා තිබූ සටහන මෙසේය.
“ගොඩක් කල්පනා කරලා කල්පනා කරලා හිරාන් සහ මම අපේ විවාහයෙන් වෙන් වෙන්න තීරණය කළා, මේ තීරණය ගත්තේ අන්‍යෝන්‍ය ගෞරවයෙන් සහ අවබෝධයෙන්.
අපි අවුරුදු 10 කට ආසන්න කාලයක් එකට ගත කළා. අපි එක්ව අපගේ සිහින වල ජීවිතය නිර්මාණය කර ගත්තා. එකිනෙකා වශයෙන් අපට අත්විඳීමට ලැබුණු ආදරයට සැබවින්ම ස්තුතියි. අපි විවාහ වුණාට පස්සේ අපි කවදාවත් පොරොන්දු වුණේ නැහැ, මොකද ජීවිතය අනපේක්ෂිත ලෙස හැරවිය හැකි බව අපට වැටහුණා. නමුත් ඒ වෙනුවට අපි අපේ උපරිමයෙන් කැපවුනා.
අපි අපේ පාරෙන් වෙනත් හරස් මාර්ගයට පිවිසුනා. එය සැහැල්ලුවෙන් ගත් තීරණයක් නොවේ, අපි මාස ගණනක් කල්පනා කළ නමුත් අවසානයේ එකිනෙකාට ස්වාධීන වීමට තීරණය කළා. අපි බෙදාගත් කාලය සඳහා අපි ස්තුති වෙනවා. අපි එකිනෙකාට හොඳම දේ පමණක් ප්‍රාර්ථනා කරගන්නවා. ඔබගේ කරුණාව, ආදරය සහ අපගේ ගමනේ කොටස්කරුවෙකු වීම ගැන ස්තූතියි.”
-හිරුණිකා සහ හිරාන්-
හිරාන් යතෝවිටව ප්‍රේක්ෂකයා හඳුනාගන්නේ නළුවකු සහ නිවේදකයකු ලෙසයි. හිරු නාළිකාවේ විකාශය වූ විසුල අහස යට ටෙලි සිතුවම හරහා රංගනයට පිවිසි ඔහු එහිම මංගලම් වැඩසටහනේ නිවේදකයකු ලෙස ද ප්‍රේක්ෂකයා හමුවට පැමිණියේය.
හිරාන් සහ හිරුණිකා 2015 වසරේ අතිනතගත් දා සමස්ථ සමාජයේම අවධානය යොමු විය. දෙදෙනා හොඳින් හඳුනන නමුත් විවාහ වන තෙක්ම හිරාන් සහ හිරුණිකා අති දක්ෂ අන්දමින් මේ පිළිබඳ මාධ්‍යයෙන් වසන් කළා. අඩුම තරමින් ඕපදූප විශේෂඥයන්ටවත් හිරුණිකාගේ පෙම්වතා කවුද කියලා හොයා ගැනීමට නොහැකි විය.
කොළඹ හිල්ටන් හෝටලයේ පැවැති එම විවාහයේ සාක්ෂියට අත්සන් කළේ ජනාධිපති මෛත්‍රීපාල සිරිසේන සහ අමාත්‍ය රාජිත සේනාරත්න දෙපොළයි.
කෙසේවෙතත් අද දින ඔවුන්ගේ පුද්ගලික රුචිකත්වය මත විවාහයෙන් වෙන්වීමට තීරණය කර තිබේ.
