අධ්‍යාපන අමාත්‍ය සුසිල් ප්‍රේමජයන්ත කොළඹ ඩඩ්ලි සේනානායක විද්‍යාලයේ ඉදිකිරීමට සැලසුම් කර ඇති නව ගොඩනැගිල්ලට මුල් ගල තැබීමේ අවස්ථාවට සහභාගි වෙමින් ප්‍රකාශ කර සිටියේ ලබන වසරේ සිට වයස අවුරුදු 4 ඉක්මවූ කිසිදු දරුවෙකු පෙරපාසැල් අධ්‍යාපන ලබා නොදී නිවසේ තබාගත නොහැකි බවයි.
ඉඩ කඩ ඇති හා වැසීගෙන යන සියලුම පාසල් වල පෙරපාසල් දරුවන් සඳහා එක් පංති කාමරයක් වෙන් කරන බවත් අමාත්‍යවරයා සදහන් කළේය.
එහිදී වැඩිදුරටත් අදහස් දැක්වූ සුසිල් ප්‍රේමජයන්ත අධ්‍යාපන අමාත්‍යවරයා කියා සිටියේ,
” අධ්‍යාපන ප්‍රතිසංස්කරණ අනුව අපි 01. 06, 10 නියම ව්‍යාපෘතිය ආරම්භ කරනවා තව සති කිහිපයකින්, අපි බලාපොරොත්තු වෙතවා මේ 13 වසර 12 වසරට ගෙන්න. 11වසර 10ට එනවා. ඒක එක රැයින් කරන්න බෑ. ලබන ජනවාරියේ ඉඳලා කිසිම දරුවෙක් අවුරුදු හතර සම්පූර්ණ නම් ගෙදර තියාගන්න බෑ.”
