By unusuma.lk on (LK time)
2024 වර්ෂය අවසානයේ නිවාඩුව ගතකිරීම සදහා දේශීය සංචාරකයින් මෙන්ම විදේශීය සංචාරකයින් ද සංචාරක ස්ථාන කරා පැමිණීම ඉහළ ගොස් ඇත.
සංචාරක ස්ථාන කරා පැමිණීම ඉහළ ගොස් ඇති බැවින් ජීවිත ආරක්ෂාව මෙන්ම පරිසරයේ ආරක්ෂාව සම්බන්ධයෙන් සැළකිලිමත් වන ලෙස සංචාරක නියෝජ්‍ය අමාත්‍ය ආචාර්ය රුවන් රණසිංහ ඉල්ලීමක් කරයි.
විදේශීය සංචාරකයින් ලක්ෂ 02කට අධික පිරිසක් මේ වනවිට දිවයිනේ විවිධ ප්‍රදේශවල සංචාරයේ නිරත වන බවත් මේ හේතුවෙන් සංචාරක ස්ථානවල ධාරිතාව ඉක්මවා අධික තදබදයක් වාර්තා වී තිබෙන බව නියෝජ්‍ය අමාත්‍යවරයා සදහන් කරයි.
එනිසා ජීවිත ආරක්ෂාව, පරිසරයේ ආරක්ෂාව සහ විදේශීය සංචාරකයන්ට බාධා නොවන අයුරින් නිවාඩු සමය ගතකරන ලෙස සංචාරක නියෝජ්‍ය අමාත්‍යවරයා නිවේදනයක් නිකුත් කරමින් සදහන් කරයි.
