By unusuma.lk on (LK time)
මල්වතු පාර්ශ්වයේ මහානායක තිබ්බොටුවාවේ සුමංගල නාහිමියෝ පවසන්නේ ජනාධිපතිවරණයේදී අනුර කුමාර දිසානායක මහතා සම්බන්ධයෙන් ඇතැම් පිරිස් සිදු කළ ප්‍රකාශ සියල්ල බොරු වී ඇති බවයි.
උන්වහන්සේ මේ බව සඳහන් කළේ ජාතික භික්ෂු පෙරමුණ සාමාජික භික්ෂූන් වහන්සේලා පිරිසක් මහ නාහියන් බැහැදුටු අවස්ථාවේදීය.
මෙහිදී ජාතික භික්ෂු පෙරමුණ සාමාජික භික්ෂූන් වහන්සේලා පැවසූවේ ඇතැම් භික්ෂූන් වහන්සේලා පමණ ඉක්මවා කටයුතු කළ බවයි.
එමෙන්ම නව ජනපති අනුර කුමාර දිසානායක මහතා පත්වී සති දෙකක පමණ කෙටි කාලය තුළ විශාල වෙනසක් රට තුළ සිදු කර ඇතැයි ද උන්වහන්සේලා සඳහන් කළහ.
