අමෙරිකානු ඇපල් සමාගම සිය ඉදිරි නිෂ්පාදන පෙළ AI තාක්ෂණය යොදාගනිමින් එළිදැක්වීමට කටයුතු කරමින් සිටින බව විදෙස් මාධ්‍ය වාර්තා කරයි.
ඇපල් සමාගමේ මීළඟ අයිෆෝන් නිෂ්පාදනය කෘත්‍රිම බුද්ධියෙන් (AI) සන්නද්ධ කෙරෙන බව ඇපල් සමාගමේ වාර්ෂික සංවර්ධකයන්ගේ සමුළුවේදී (Developers Conferance) ප්‍රකාශ කළේය.
Open AI සමාගමේ ජනප්‍රිය Chat GPT කෘත්‍රිම බුද්ධි යෙදුම අයිෆෝන්වලට අන්තර්ගත කරන බවත් එය මෙම වසර අවසානයේදී අන්තර්ගත කරන බවද ඇපල් සමාගම නිවේදනය කරයි.
හඬ මගින් අන්තර්ක්‍රියා කළ හැකි “සිරි” (Siri) යෙදුම මගින් ඇපල් දුරකථනවලට කෙටි පණිඩුව, ඊමේල් සහ තුන්වැනි පාර්ශ්වයක යෙදුම්වලටද ප්‍රතිචාර දැක්විය හැකි බවද ඇපල් ප්‍රධාන විධායක සදහන් කරයි.
