By unusuma.lk on (LK time)
වර්තමානය වනවිට දැඩි කතාබහට ලක්ව ඇති ඇස්ට්‍රාසෙනකා එන්නත ලබා ගත් බොහෝ පිරිස් මාරාන්තික අතුරු ආබාධවලට ලක්වීම සහ රුධිර කැටි ගැසීමට ලක් වී ජීවිතක්ෂයට පත්වීම් ආදී සිද්ධීන් ගනනාවක් මේ වනවිට අධිකරණය හමුවේ තහවුරු වී ඇත.
එම මාරාන්තික අතුරු ආබාධ සම්බන්ධයෙන් විද්‍යාත්මක කරුණු තහවුරු වීමත් සමඟ ගෝලීය වශයෙන් බෙදා හරිනු ලැබූ එම එන්නත් තොග ආපසු ගෙන්වා ගැනීමට ඇස්ට්‍රාසෙනකා ඖෂධ සමාගම පියවර ගෙන ඇත.
ඒ සම්බන්ධයෙන් අදහස් දක්වමින් ඇස්ට්‍රා සෙනකා සමාගම පවසා ඇත්තේ මුල් නිෂ්පාදනයේ සිදුවී ඇති ගැටළු නිවැරදි කරමින් එන්නත යවත්කාලීන කර , නව කොවිඩ් 19 වයිරස ප්‍රභේද අඩපණ කළ හැකි ආකාරයට යළි නිපදවීට පියවර ගන්නා බවය.
එමෙන්ම ඉන්දියාවේ සීරම්’ ඖෂධ නිෂ්පාදන සමාගම හවුල්ව නිෂ්පාදනය කළ ඇස්ට්‍රාසෙනකා එන්නත නිකුත් කෙරුණේ ‘කොවිෂීල්ඩ්’ යන නාමයෙන් වන අතර ‘කොවිඩ් 19’ වසංගත සමයේ ආසියානු රටවල් බොහොමයකට ඉන්දියාවෙන් පරිත්‍යාග කෙරුණේ ද ‘කොවිෂීල්ඩ්’ එන්නත්ය.
