By unusuma.lk on (LK time)
කොළඹ දිස්ත්‍රික් ආපදා කළමනාකරණ ඒකකය පවසන්නේ ධාරානිපාත වර්ෂාපතනය හේතුවෙන් සීතාවක ප්‍රාදේශීය ලේකම් කොට්ඨාශයේ පුද්ගලයින් සිව් දෙනෙකු මියගොස් ඇති අතර ග්‍රාම නිලධාරී ප්‍රදේශ 11 ක ජනතාව ජලයෙන් යටවී පීඩාවට පත්ව ඇති බවයි.
අවිස්සාවේල්ල පුවක්පිටිය දකුණ ග්‍රාම නිලධාරී වසමේ දියේ ගිලී එකම පවුලේ තිදෙනෙක්ද පස් කන්දකට යටවීමෙන් තවත් පුද්ගලයෙකුද මිය ගොස් ඇති බව වාර්තා වේ.
ගංවතුර හේතුවෙන් කොස්ගම සිට අවිස්සාවේල්ල දක්වා හයිලෙවල් මාර්ගයේ වාහන ගමනාගමනය ඇණහිට ඇති අතර පුවක්පිටිය දුම්රිය ස්ථානය ආසන්නයේදී වාහන ගසාගෙන ගොස් ඇති බවද ප්‍රදේශවාසීහු පවසති.
