By unusuma.lk on (LK time)
බස්නාහිර පළාත් සභා මන්ත්රී වරුණ රාජපක්ෂ පවසන්නේ වත්මන් ආණ්ඩුවේ අග්‍රාමාත්‍ය ධුරය හා මුදල් නියෝජ්‍ය අමාත්‍ය ධුරය වෙනස් කිරීමේ අභ්‍යන්තර සාකච්ඡාවක් පැවැත්වෙමින් ඇති බවයි.
සිය යූටියුබ් නාලිකාවේ වීඩියෝවක් මුදා හරිමින් ඔහු පවසන්නේ එළඹෙන මැතිවරණයෙන් පසු අගමැති ධුරය මුදල් නියෝජ්‍ය අමාත්‍ය ධුරය වෙනස් වනු ඇති බවයි.
ඒ අනුව දැනට අග්‍රාමාත්‍ය ධුරය දරන හරිනි අමරසූරිය මහත්මිය වෙනුවට බිමල් රත්නායක මහතාගේ නම යෝජනා වී ඇති බවත් ඔහු වැඩිදුරටත් පවසයි.
එමෙන්ම ජනපතිවරයාගේ ඉල්ලීමක් මත මුදල් නියෝජ්‍ය අමාත්‍ය ධුරය සඳහා ව්‍යාපාරික ක්ෂේත්‍රය නියෝජනය කරන පුද්ගලයෙකු පත් කෙරෙනු ඇති බවටද තොරතුරු ලැබී ඇති බවද ඔහු පවසයි.
මේ වනවිට සමගි ජන බලවේගය ආසන සංවිධායක ධුරය දරමින් සිටින ඒ මහතා කලකට පෙර ජවිපෙ බස්නාහිර පලාත් සභා මන්ත්රී කණ්ඩායම් නායක ලෙස කටයුතු කලේය.
පසුව පෙරටුගාමී සමාජවාදී පක්ෂයට එක් වූ ඔහු පසුව හිටපු ජනාධිපති රනිල් වික්‍රමසිංහ මහතාගේ මාධ්‍ය අධ්‍යක්ෂවරයෙකු ලෙස කටයුතු කළ අතර එක්සත් ජාතික පක්ෂයේ ගම්පහ ආසන සංවිධායක ධූරයද දැරීය.
එමෙන්ම 2015 යහපාලන ආණ්ඩුව සමයේ ඔහු රුවන් විජේර්වධන හිටපු ඇමතිවරයාගේ සම්බන්ධීකරණ ලේකම් වරයෙක් ලෙස ද කටයුතු කළේය.
