By unusuma.lk on (LK time)
මෙක්සිකෝවේ මධ්‍යම ප්‍රාන්තයක් වන Zacatecas හි අධිවේගී මාර්ගයක බස් රථයක් අනතුරට ලක්ව පුද්ගලයන් 19 දෙනෙකු මියගොස් තවත් හය දෙනෙකු තුවාල ලබා ඇති බව විදෙස් මාධ්‍ය වාර්තා කරයි.
අලුයම් කාලයේදී අදාළ බස් රථය බඩ ඉරිඟු රැගෙන යමින් තිබූ ට්‍රක් රථයක ගැටීමෙන් මෙම අනතුර සිදුව ඇති අතර අනතුරුව බස් රථය මාර්ගයෙන් ඉවතට පැන ප්‍රපාතයට වැටී ඇත.
අනතුරින් මියගිය පුද්ගලයන්ගේ සිරුරු ගොඩ ගැනීම සදහා එරට ගලවා ගැනීමේ හා ආරක්ෂක අංශ කටයුතු කර ඇති බව විදෙස් මාධ්‍ය වාර්තා කරයි.
Zacatecas ආණ්ඩුකාර ඩේවිඩ් මොන්රියල් මුලදී පුද්ගලයින් 24 දෙනෙකුගේ මූලික මරණ සංඛ්‍යාව වාර්තා කර ඇති නමුත් රජයේ නීතිපති කාර්යාලය පසුව ප්‍රකාශයක් නිකුත් කරමින් එම සංඛ්‍යාව සංශෝධනය කළ බව සදහන් කළේය.
