By unusuma.lk on (LK time)
මාළුවෙක් සොරකම් කළ පූස් තඩියකු තායිලන්ත පොලිසිය විසින් අත් අඩංගුවට ගත් අයුරු දැක්වෙන වීඩියෝවක් මේ වනවිට සමාජ මාධ්‍ය ඔස්සේ සංසරණය වන බව විදෙස් මාධ්‍ය වාර්තා කරයි.
යතුරු පැදියක එල්ලා තිබූ බෑගයක් ඉරා මෙම පූස් තඩියා මාළු කූරියා සොරා ගන්නා අයුරු එහි තිබූ CCTV කැමරාවක සටහන් වී ඇති අතර අනතුරුව වහාම ක්‍රියාත්මක වූ තායිලන්ත පොලිසිය එම පූස් තඩියා අත්අඩංගුවට ගෙන පොලිස් ස්ථානයට රැගෙන ගොස් ඇත.
කෙසේ වෙතත් මාළුවකු සොරකම් කළ පුසකු පොලිසියට රැගෙන යාම පොලිස් සේවයට කළ නිගාවක් බවත් මෙම සොරකම ඔක්තෝබර් (14) වැනිදා සිදුවුවද ඕස්ට්‍රේලියාවේ සෙවන් නිවුස් පුවත් සේවය එම වීඩියෝව ඔවුන්ගේ ටික්ටොක් ගිණුමටද පෙරේදා (18) උඩුගත කර ඇත.
මෙම වීඩියෝව එක් දිනක් තුළ මිලියනයකට ආසන්න සංඛ්‍යාවක් නරඹා ඇති අතර මෙම වීඩියෝව ඔක්තෝබර් මස අවසන් සතියේ සිට විවිධ සමාජ මාධ්‍ය ජාලාවල සංසරණය වන බවත් එහි නැරඹුම් වාර ගණන ලක්ෂ 100 පසුකර ඇති බව වාර්තා වේ.
