Why is this happening (Sinhala)

පසුගියදා මාතර බන්ධනාගාරයේ සිදුවන අලුත්වැඩියා කටයුතු අතරතුර එහි රඳවා සිටි සිරකරුවන් අඟුනකොළපැලැස්ස බන්ධනාගාරයට මාරු කර යැවීමේදී එම බන්ධනාගාරයේ රඳවා සිටි සිරකරුවන් සන්තකයේ තිබී මාංචු කුට්ටම් 7ක් සහ මාංචු කුට්ටම් සඳහා භාවිත කරනා යතුරු 28ක් සොයාගෙන තිබේ.

ජනාධිපති ලේකම් කාර්යාලයේ පැවැත්වෙන ‘ජාතික බදු සතිය’ සමාරම්භක අවස්ථාවට එක්වෙමින් ජනාධිපතිවරයා සිදුකළ කතාවේදී ජනපතිවරයා මේ බව අනාවරණය කළේය.

එහිදී වැඩිදුරටත් අදහස් දක්වමින් ජනාධිපතිවරයා පවසා සිටියේ මතුපිටින් පෙනෙනා සුදු පද්ධතියන්ට යටින් කළු පද්ධතියක් ක්‍රියාත්මක වෙමින් පවතින බව සත්‍යක් බවයි.

කෙසේවෙතත් අතලොස්සක් විසින් මෙහෙයවනු ලබන එම කළු යාන්ත්‍රනය විනාශ කර දැමීමට නියත වශයෙන්ම කටයුතු කරනා බවද ජනාධිපතිවරයා අවධාරණය කළේය.

රජයට රුපියල් කෝටි 2000ක පමණ පාඩුවක් සිදු කරමින් මෙගාවොඩ් 10 බැගින් වන සුළං විදුලි බලාගාර හයක් සඳහා පෞද්ගලික සමාගම් කිහිපයක් සමඟ ලංකා විදුලිබල මණ්ඩලය ගිවිසුම් අත්සන් කිරීමට සූදානම් වන බව ලංකාදීප පුවත්පත වාර්තා කරයි.

සුළං බලාගාරයක නිෂ්පාදනය කරන විදුලිය ඒකකයක් ලංකා විදුලිබල මණ්ඩලය මිලදීගත යුත්තේ රුපියල් 23ක මිලකට බවට, විදුලිබල අමාත්‍යෘංශයේ කමිටුව මගින් නිර්දේශ කර තිබියදී ඒකකයකට රුපියල්  29.80ක් ගෙවීමේ පදනම මත කඩිමුඩියේ මෙම ගිවිසුම් අත්සන් කිරීමේ සූදානමක් පවතින බවද එම ආරංචිමාර්ග පවසයි.

විදුලිබල අමාත්‍යාංශයේ කමිටුව මගින් 2024 වසරේදී ආයෝජනය කරන සුළං බලාගාරවලින් විදුලි ඒකකයක් මිලදීගත යුතු මුදල රුපියල් 29.80ක් ලෙස තීරණය කර ඇති අතර 2025 වසර සඳහා එම කමිටුව තීරණය කර ඇත්තේ ඒකකයක් රුපියල් 23කට මිලදී ගත යුතු බවටය.

සුළං බලාගාරවලින් නිෂ්පාදනය කරන විදුලි ඒකකයකට රුපියල් 23ක මුදලක් ගෙවිය යුතු බවට වන අමාත්‍යාංශයේ කමිටුව නිර්දේශ කර ඇති නිර්දේශය ඉකුත් මාර්තු මාසයේ කැබිනට් මණ්ඩලයට ඉදරිපත් කර ඇතත්, මුදල් අමාත්‍යාංශයේ කිහිපදෙනෙකු ඊට කකුලෙන් ඇදීම හේතුවෙන් මේ දක්වා එය අනුමත වී නොමැති බවද පැවසේ.

පැරණි මිලටම නව ගිවිසුම් අත්සන් කිරීමේ අවශ්‍යතාව හේතුවන් ඒ සඳහා මුදල් අමාත්‍යාංශයේ නිර්දේශ ඉදිරිපත් නොකෙරෙන බවද එම ආරංචිමාර්ග සඳහන් කරයි.

මෙගාවොට් 10ක සළං බලාගාර සඳහා ටෙන්ඩර් කැඳවීමක් අවශ්‍ය නොවන අතර ඒ සඳහා විදුලි ඒකකයට ගෙවිය යුතු මුදල කමිටුවක් මගින් නිර්දේශ කිරීම ක්‍රමවේදය වේ.

මේ අතර මෙගාවොට් 10 බැගින් වන සුළං බලාගාර හයක් අලුතින් ස්ථාපිත කිරීමට සමාගම් 6ක් සමඟ ගිවිසුම් අත්සන් කිරීමට නියමිතව ඇතත්, එහි සැබෑ අයිතිකරුවන් ප්‍රමාණය දෙදෙනෙකු හෝ තිදෙනෙකු වන වද එම ආරංචිමාර්ග වැඩිදුරටත් සඳහන් කරයි.

හෙරොයින් සමග අත්අඩංගුවට ගැනුණු ශ්‍රී ලංකා ක්‍රිකට් කණ්ඩායමේ හිටපු වේග පන්දු යවන ක්‍රීඩක ෂෙහාන් මධුසංක ජූනි 1 වැනිදා දක්වා රදවා ප්‍රශ්න කිරීමට කුලියාපිටිය මහේස්ත්‍රාත් රන්දික ලක්මාල් ජයලත් මහතා අවසර දුන්නේය.

හෙරොයින් ග්‍රෑම් 2 මිලිග්‍රෑම් 350ක් සමගින් සැකකරු පෙරේදා (25) අත්අඩංගුවට පත්වූ අතර පන්නල පොලිසිය විසින් බී වාර්තාවක් මගින් ඊයේ (26) අධිකරණයට ඉදිරිපත් කළේය.

පන්නල ඇලබඩගම ප්‍රදේශයේ පදිංචි මෙම සැකකරු අධිකරණයට ඉදිරිපත් කරමින් පොලිසිය කියා සිටියේ මීට පෙර අවස්ථාවකදී ද මොහු මෝටර් රථයෙන් මත්කුඩු ප්‍රවාහනය කරමින් සිටියදී අත්අඩංගුවට ගෙන තිබූ බවයි.

නිවෙසේ හෙරොයින් තබාගෙන සිටින බවට ලද තොරතුරකට අනුව නිවෙසට ගොස් පරීක්‍ෂා කිරීමේදී ඔහුට අයත් ක්‍රීඩා කුසලාන පිරික්සීමේදී හෙරොයින් තොගය සොයාගත් බවත් පොලිසිය අධිකරණය හමුවේ කියා සිටියේය.

පොලිසිය මෙහිදී කරුණු දක්වමින් ඉල්ලා සිටියේ සැකකරුට හෙරොයින් ලැබෙන ආකාරය පිළිබඳව පුළුල් පරීක්‍ෂණයක් කළ යුතු බැවින් රඳවා ප්‍රශ්න කිරීමට අවශ්‍ය බවය.

පසුගිය 23 වනදා වයඹ ජාතික අධ්‍යාපන පීඨයේ දෙවන වසරේ සිසුවියක් සිය දිවි හානි කරගත් සිද්ධිය සම්බන්ධයෙන් අධ්‍යාපන අමාත්‍යංශය විසින් කඩිනම් විමර්ශනයක් ආරම්භ කර තිබේ.

වයස අවුරුදු 23ක් වූ බිංගිරිය වයඹ ජාතික අධ්‍යාපන පීඨයේ දෙවන වසරේ සිසුවියක් පසුගියදා නේවාසිකාගාරය තුලදී සියදිවි හානි කරගෙන තිබූ අතර ඇය සමඟ නේවාසිකාගාරයේ රැඳී සිටි මිතුරිය විසින් මෙම සිසුවිය ගෙල වැළලාගෙන සිටිනු අයුරු දැක තිබුණි.

අනතුරුව ඒ සම්බන්ධයෙන් අදාල බලධාරීන් සහ බිංගිරිය පොලිස් ස්ථානය දැනුම්වත් කිරීමට පියවර ගෙන තිබු අතර සිසුවියගේ පවුලේ ඥාතීන් පවසන්නේ මානසික ආතතිය හේතුවෙන් මෙම සියදිවි හානිකර ගැනීමට හේතුවී ඇති බවයි.

කෙසේවෙතත් අදාළ සිදුවීම සම්බන්ධයෙන් විවිධ පාර්ශව විසින් කඩිනම් විමර්ශනයක් සිදුකරන ලෙස ඉල්ලා තිබුණි.

ඒ අනුව සිසුවිය සියදිවි හානිකර ගැනීමට හේතුවු කරුණු සම්බන්ධයෙන් අධ්‍යාපන අමාත්‍යංශය විශේෂ විමර්ශනයක් ආරම්භ කර ඇත.

බූස්ස අධිආරක්ෂිත බන්ධනාගාරයේ විශේෂ අංශයේ රදවා සිටන සංවිධානාත්මක අපරාධ කල්ලි සාමාජිකයෙකු වන රවිදු සංඛ ද සිල්වා හෙවත් බූරු මූණා සහ පොලිස් විශේෂ කාර්යා බලකා නිලධාරීන් අතර ගැටුමක් හට ගෙන තිබේ.

ඒ ඔහු අද (23) දින ගාල්ල මහේස්ත්‍රාත් අධිකරණයේ විභාග වෙමින් පවතින නඩු කටයුත්තක් සදහා වීඩියෝ තාක්ෂණය හරහා ඉදිරිපත් කිරීමට සිර මැදිරියෙන් පිටතට රැගෙන ආ අවස්ථාවේදීයි.

ඔහුව පරික්ෂා කිරීමට යාමේදී මෙය සිදුව ඇති අතර, එහිදී රවිදු සංඛ ද සිල්වා හෙවත් බූරු මූණා සහ පොලිස් විශේෂ කාර්යා බලකා නිළධාරීන් දෙදෙනෙකු තුවාල ලබා ගාල්ල ජාතික රෝහල වෙත ඇතුළත් කෙරුණා.

අපරාධ පරීක්ෂණ දෙපාර්තමේන්තුවේ නිලධාරීන් විසින් නීතීඥවරයෙකු අත්අඩංගුවට ගෙන තිබේ.

අදාළ නීතීඥවරයා විසින් විසින් මැසෙන්ජර් ගිනුමක් ඔස්සේ මහාධිකරණ විනිසුරුවරියක ලිංගික හිංසනයට ලක් වන සේ කෙටි පණිවුඩ යැවූ බව කියන චෝදනාවකට අදාළව ඔහු මෙලෙස අත්අඩංගුවට ගෙන තිබේ.

හලාවත ප්‍රදේශයේ දී සැකකරු අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී බුද්ධික මනතුංග මහතා සඳහන් කළේය.

2022 වසරේ දී අදාළ නීතීඥවරයා විසින් තමා ලිංගික හිංසනයට ලක් වන සේ මැසෙන්ජර් ඔස්සේ කෙටි පණිවුඩ යොමුකළ බවට අදාළ මහාධිකරණ විනිසුරුවරිය විසින් පැමිණිලි කර තිබුණි.

ඒ අනුව පොලීසිය අදාළ සිද්ධිය සම්බන්ධයෙන් කරුණු විමර්ශනය කර නීතිපතිවරයා වෙත දැනුම් දී තිබේ.

එහිදි නීතිපතිවරයා උපදෙස් ලබා දී ඇත්තේ සැකකරු සිදුකර ඇති ක්‍රියාව ලිංගික අතවර කිරීමේ චෝදනා යටතට ගැනෙන අතර ඔහු සම්බන්ධයෙන් ඉදිරි නීතිමය කටයුතු සිදුකරන ලෙසය.

ඒ අනුව අපරාධ පරීක්ෂණ දෙපාර්තමේන්තුව සැකකරු අත්අඩංගුවට ගෙන ඇති අතර ඔහු අධිකරණය වෙත ඉදිරිපත් කිරීමට නියමිතව තිබේ.

මේ වන විට රටින් පලා ගොස් සිටින ප්‍රබල මත්ද්‍රව්‍ය ජාවාරම්කරුවෙකු බව පැවසෙන සලිඳු මල්ශිත හෙවත් කුඩු සලිදු නැමැත්තා සිය නීතිඥවරුන් මාර්ගයෙන් අභියාචනාධිකරණයට පෙත්සමක් ඉදිරිපත් කර තිබේ.

ඒ තමන්ට එරෙහිව ජාත්‍යන්තර පොලිසිය හරහා රතු නිවේදන නිකුත් කිරීම වැළැක්වීමේ නියෝගයක් නිකුත් කරන ලෙස ඉල්ලමිනි.  

මෙම පෙත්සම අද අභියාචනාධිකරණයේ වැඩබලන සභාපති මොහොමඩ් ලෆාර් තාහීර් සහ ප්‍රියන්ත ප්‍රනාන්දු යන විනිසුරු මඩුල්ල ඉදිරියේ කැදවූ ලැබීය.

කෙසේවෙතත්, එම පෙත්සම සලකා බැලීම සඳහා ලබන ජුලි 03 වනදා කැඳවන ලෙසයි අභියාචනාධිකරණය නියෝග කර තිබේ.

වවුනියාව පුවරසම්කුලම් පොලිස් ස්ථානයේ ස්ථානාධිපතිවරයාව අල්ලස් කොමිසම විසින් අත්අඩංගුවට ගෙන තිබේ.

ඉඩම් ආරවුලක් එක් පාර්ශවයකට සාධාරණ වන ලෙසට තීන්දු ලබාදීම වෙනුවෙන් රුපියල් ලක්ෂ 5ක අල්ලසක් ලබාගැනීමේදී අල්ලස් හෝ දුෂණ විමර්ශන කොමිසමේ නිලධාරීන් විසින් ස්ථානාධිපතිවරයාව මෙලෙස අත්අඩංගුවට ගෙන ඇත.

සැකකරු අද (22) වවුනියාව මහෙස්ත්‍රාත් අධිකරණයට ඉදිරිපත් කිරීමට නියමිත අතර සිද්ධිය සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව වැඩිදුර පරීක්ෂණ මෙහෙයවයි.

හැව්ලොක් නිවාස සංකීර්ණයේදී පොලිස් භාරයට ගන්නා ලද රන් ආලේපිත T-56 ගිනිඅවිය සන්තකයේ තබාගෙන සිටි සැකකාරිය හා තවත් කාන්තාවක් වැල්ලවත්ත පොලිස් ස්ථානය මඟින් අත්අඩංගුවට ගෙන ඇත.

ඊයේ (20) දහවල් කාලයේදී මෙම සැකකාරින් අත්අඩංගුවට ගත් බව පොලීසිය පවසයි. 

සැකකාරියන් අවුරුදු 40 හා 68 යන වයස්වල පසුවන බත්තරමුල්ල හා කොළඹ 06 ප්‍රදේශවල පදිංචිකාරියන්ය

පොලිස් මාධ්‍ය ප්‍රකාශකවරයා සඳහන් කළේ, පළමු සැකකාරිය විසින් මෙම ගිනිඅවිය සෙල්ලම් ගිනිඅවියක් ලෙස සලකා රැගෙන ආ බවට සැක කරන බවයි.

අත්අඩංගුවට ගත් සැකකාරියන් අද (21) ගල්කිස්ස මහේස්ත්‍රාත් අධිකරණයට ඉදිරිපත් කිරීමට නියමිතයි. 

වැල්ලවත්ත පොලීසිය වැඩිදුර විමර්ශන සිදු කරනු ලබයි.