By unusuma.lk on (LK time)
සුළං බලශක්තිය සඳහා ශ්‍රී ලංකාවේ විශාලතම පුද්ගලික ආයෝජනය වන මන්නාරමේ මෙගාවොට් 50ක ගොවිපලක්, Hayleys Fentonsහි සුළං බලශක්ති අංශය වන HayWind විසින් සංවර්ධනය කිරීමට නියමිතයි.
ලංකා විදුලිබල මණ්ඩලය විසින් ප්‍රදානය කරන ලද තරඟකාරී ලංසුවකින් පසුව නිල විදුලි මිලදී ගැනීමේ ගිවිසුම පෙරේදා (28) බලශක්ති අමාත්‍යාංශයේදී අත්සන් කර තිබේ.
ටෙන්ඩර් ලංසු තැබීමේ ක්‍රියාවලියෙන් පසුව මෙම ගිවිසුම මගින් නැවත තහවුරු කර ඇත්තේ මන්නාරමේ මෙගාවොට් 50ක සුළං බලාගාර සංවර්ධනයක් HayWind One Limited වෙත ප්‍රදානය කිරීමයි.
මෙම ව්‍යාපෘතිය කිලෝවොට් පැයකට අමෙරිකානු ශත 4.65ක වඩාත්ම තරඟකාරී අනුපාතයකින් සුරක්ෂිත කර ඇති අතර එය ගොඩනැගීම, හිමිකර ගැනීම සහ ක්‍රියාත්මක කිරීමේ පදනම මත සංවර්ධනය කෙරේ.
එය ශ්‍රී ලංකාවේ පුනර්ජනනීය බලශක්ති ගමනේ තීරණාත්මක දියුණුවක් නියෝජනය කරන අතර, දිගුකාලීන පාරිසරික හා ආර්ථික ප්‍රතිලාභ ලබා දෙනු ඇති.
