By unusuma.lk on (LK time)
කොවිඩ් (Covid) වසංගතයේ ආරම්භය පිළිබඳ නිවැරදි දත්ත නිකුත් කරන ලෙස ලෝක සෞඛ්‍ය සංවිධානය (WHO) චීනයෙන් ඉල්ලීමක් කර ඇත.
චීනයේ වූහාන් නගරයෙන් ආරම්භ වු කොවිඩ්-19 වසංගතය ලෝකය පුරා 70,10,000කට අධික පිරිසක් සහ ලංකාවේ 16,897ක් මරණයට පත් කළ අතර එය ආරම්භ වී මේ වනවිට වසර 05 ක් ගතවී ඇත.
එම තොරතුරු අනාවරණය කිරීම සදාචාරාත්මක සහ විද්‍යාත්මක අවශ්‍යතාවක් වන බවත් රටවල් අතර විනිවිදභාවය සහ සහයෝගිතාව නොමැතිව අනාගත වසංගත සදහා සූදානම් විය නොහැකි බව ලෝක සෞඛ්‍ය සංවිධානය අවධාරණය කරයි.
කොවිඩ්-19 වෛරසය ස්වාභාවිකව සතුන්ගෙන් මිනිසුන්ට සම්ප්‍රේෂණය වූ බවට විද්‍යාඥයෝ අදහස් දක්වන අතර එය චීනයේ වූහාන්හි රසායනාගාරයකින් පිටතට පැමිණි බවට ඇතැම් පිරිස් සැක මතු කරයි.
කෙසේ වෙතත් ලෝක සෞඛ්‍ය සංවිධානයේ ඉල්ලීමට චීනය මෙතෙක් නිල වශයෙන් කිසිදු ප්‍රතිචාරයක් දක්වා නැත.
