අමෙරිකානු ජනාධිපති ඩොනල්ඩ් ට්රම්ප් කියුබාව “අල්ලා ගැනීමට” සහ ඔහු කරන තර්ජන ගැන තමාට “කිසිදු බියක්” නොමැති බව කියුබානු ජනාධිපති මිගෙල් ඩියාස්-කැනෙල් සඳහන් කරයි.
තම රට අමෙරිකා ආක්රමණයකට එරෙහිව සටන් කිරීමට රජය සූදානම් බවත් ඒ වෙනුවෙන් තමන් මිය යාමට කැමැත්තෙන් සිටින බවද කියුබානු ජනාධිපති මිගෙල් ඩියාස්-කැනෙල් සඳහන් කරයි.
කොන්දේසි නොමැතිව අමෙරිකාව සමඟ සංවාදයට විවෘත බවත් නමුත් වොෂින්ටනය ඉල්ලා සිටියහොත් ඉල්ලා අස්වන ලෙසට වන කිසිදු යෝජනාවක් ප්රතික්ෂේප කරන බවද කියුබානු ජනාධිපතිවරයා සඳහන් කරයි.
“එහෙම උනොත් සටන් ඇති වෙයි, අරගලයක් ඇති වෙයි, අපි අපිවම ආරක්ෂා කරගන්නවා, අපිට මැරෙන්න ඕන උනොත් අපි මැරෙයි, මොකද අපේ ජාතික ගීය කියන විදියට, නිජබිම වෙනුවෙන් මැරීම ජීවත් වීමටයි.”
කියුබානු ජනාධිපතිවරයා මේ බව සදහන් කර ඇත්තේ, අමෙරිකානු NBC රූපවාහිනි නාලිකාවේ පැවැත් වූ Meet the Press වැඩසටහනේ සම්මුඛ සාකච්ඡාවකට එක් වෙමිනි.
