By unusuma.lk on
(LK time)යාපනයේ තාවඩි ප්රදේශයේ දී පිහි පහරකින් බරපතළ තුවාල ලැබූ තරුණයෙකු රෝහල් ගතකිරීමේදී මිය ගොස් ඇති බව චුන්නාකම් පොලිසිය පවසයි.
මෙලෙස මියගොස් ඇත්තේ වයස අවුරුදු 23ක් පමණ වන වරදරාසා නිරුක්ෂන් නමැති තරුණයෙකි.
මියගිය තරුණයාගේ සහෝදරියගේ සැමියා විසින් එල්ල කළ පිහි පහරකින් මෙසේ තරුණයා බරපතළ තුවාල ලබා යාපනය ශික්ෂණ රෝහලට ඇතුළත් කර ඇති අතර එහිදී තරුණයා මියගිය බව පොලීසිය වැඩිදුරටත් පවසයි.
තම පියා සහ සහෝදරියගේ සැමියා අතර ඇති වූ ආරවුලක් සමථයකට පත් කිරීමට යාමේදී මෙම තරුණයාට තම මස්සිනා විසින් පිහි ප්රහාරයක් එල්ල කර ඇති බව සඳහන්.
සිද්ධිය සම්බන්ධයෙන් චුන්නාකම් පොලීසිය වැඩිදුරටත් විමර්ශන මෙහෙයවයි.!