By unusuma.lk on (LK time)
අද (28) උදෑසන ඇතිවූ අධික වර්ෂාව සහ සුළඟ හේතුවෙන් ඉන්දියාවේ දිල්ලි ජාත්‍යන්තර ගුවන්තොටුපොළේ පළමු පර්යන්තයේ වහලෙහි කොටසක් කඩාවැටී විශාල අනතුරක් සිදුවී තිබේ.
ඉන්දියානු මාධ්‍ය වාර්තා කර තිබුනේ එම අනතුර හේතුවෙන් මේ වනවිට 3 දෙනෙක් මියගොස් තවත් 6 දෙනෙක් තුවාල ලබා ඇති බවත්, ඒ අතරින් දෙදෙනෙකුගේ තත්ත්වය බරපතළ බවත්ය.
වහලයේ කොටස් කඩාවැටීමෙන් පෞද්ගලික මෝටර් රථ සහ ටැක්සි රථ කිහිපයක්ද සම්පූර්ණයෙන්ම විනාශ වී ඇති බව සඳහන්.
මේ වනවිට ගුවන්තොටුපොළ පළමු පර්යන්තයේ මෙහෙයුම් කටයුතු අත්හිටුවා ඇති බව වාර්තා වේ.
ඉන්දියානු සහන සේවා කණ්ඩායම් අනතුරට ලක්වූ තවත් අය සිටීදැයි සොයා තවදුරටත් මෙහෙයුම් සිදුකරමින් සිටින බව දිල්ලි ගුවන්තොටුපොළ ප්‍රකාශකයෙක් සඳහන් කළේය.
