By unusuma.lk on (LK time)
1995 වසරේ සිට “වසරේ ශ්‍රී ලාංකිකයා” සම්මානය ලබාදෙන මෙරට ප්‍රමුඛතම ව්‍යපාරික සඟරාවක් වන “එල්.එම්.ඩී” සඟරාව 2024 වසර සඳහා ” වසරේ ශ්‍රී ලාංකිකයා” ලෙස ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා නම්කර ඇත.
“එල්.එම්.ඩී” සඟරාව විසින් ලබාදෙන මෙම සම්මානය වසරේ විශිෂ්ඨතම සම්මාන අතරින් ප්‍රධාන ස්ථානයක් හොබවයි.
එල්.එම්.ඩී සඟරාව විසින් මෙවර ලබාදුන්නේ 30 වැනි වතාවට පිරිනැමූ “වසරේ ශ්‍රී ලාංකිකයා” සම්මානය වේ.
මෙරට දැඩි ලෙස කඩා වැටුණු ආර්ථිකය ගොඩ නැගීම ආරම්භ වීම මහ බැංකු අධිපතිවරයාගේ නායකත්වයෙන් සිදුවූ බවත් ශ්‍රී ලංකාව ඉදිරියේ ඇති අභියෝග පිළිබඳව ආචාර්ය නන්දලාල් වීරසිංහ මහතා යථාර්තවාදී වූ බවත් “එල්.එම්.ඩී” සඟරාව පවසයි.
නන්දලාල් මහතා පසුගිය 2022 වසරේ මහ බැංකු භාරගත් අවස්ථාවේ මෙරට උද්ධමනය සියයට 29.8 ක් වූ බවත් පසුව නොවැම්බර් මාසයේදී උද්ධමනය සියයට 61 දක්වා ඉහළ ගිය බවත් පසුව 2023 වසරේදී නැවතත් ක්‍රමිකව මෙරට උද්ධමනය තනි ඉලක්කමක් කරා ගෙන ආ බවත් “එල්.එම්.ඩී” සඟරාව පෙන්වාදෙයි.
ආචාර්ය නන්දලාල් මහතා විසින් ගත් දැඩි ප්‍රතිපත්තිමය තීරණ මත මෙලෙස උද්ධමනය පහළ ගිය බවද එහි වැඩිදුරටත් සඳහන්.
