By unusuma.lk on (LK time)
සුමාත්‍රා දූපත් ප්‍රදේශයේ විශාල භූමිකම්පාවක් සිදුවුවහොත් නිසැක වශයෙන්ම ශ්‍රී ලංකාවට එහි බලපෑම් එල්ල විය හැකි බව පේරාදෙණිය විශ්ව විද්‍යාලයේ භූ ගර්භ විද්‍යාව පිළිබඳ මහාචාර්ය අතුල සේනාරත්න සදහන් කරයි.
කිලෝමීටර් 1800ක සීමාව තුළ භූමිකම්පාවක් සිදු වුවහොත් එය ශ්‍රී ලංකාවට බලපෑ හැකි බවත් එනිසා ශ්‍රී ලංකාවේ භූ ගර්භ විද්‍යාඥයන්ද යම්කිසි සොයා බැලීමක් කළ යුතු බවද මහාචාර්ය අතුල සේනාරත්න සදහන් කරයි.
මේ අතර විදෙස් රටවල සිදුවන භූමිකම්පා සම්බන්ධයෙන් අවධානයෙන් පසුවන බවත් එම භූමිකම්පා වලින් ශ්‍රී ලංකාවට ඍජු බලපෑමක් නැතත් ඒ සම්බන්ධයෙන් අවධානයෙන් පසුවන බව භූ විද්‍යා හා පතල් කැනීම් කාර්යාංශය සදහන් කරයි.
ගෝලීයව සිදුවන භූමිකම්පාව සම්බන්ධයෙන් නිරීක්ෂණයෙන් සිටින බවත් සුමාත්‍රා දූපත් ආශ්‍රිතව භූකම්පනයක් සිදුවුවහොත් එහි බලපෑම මත මෙරටට ‘සුනාමි’ වැනි තත්ත්වයක් ඇති විය හැකි බවද එම කාර්යාංශය සදහන් සදහන් කරයි.
මේ අතර ඉන්දියානු සාගරයේ සිදු වී ඇති විශේෂිත භූකාරක ක්‍රියා නිසා ලංකාව තුළත් ලංකාව අවට මුහුදු පතුලේත් විශාල පැලුම් ඇතිවී තිබෙන බවත් සම්පීඩනය හේතු කොටගෙන ලංකාව තුළ සහ ඊට පිටින් පිහිටි විභේද දිගේ චලනය වීමට උත්සාහ දරන බව භූ විද්‍යාඥයෝ සදහන් කරයි.
භූමිකම්පාවක් ලංකාවේ බටහිර සිට නැගෙනහිර දෙසට විහි‍දෙන භූමිකම්පා කලාපය ආශ්‍රිත මුහුදු කලාපයේ අඩු ගැඹුරකින් ඇති වුවහොත් ‘සුනාමි’ තත්වයක් ඇති වීමේ අවධානමක් පවතින බවද සදහන් කරයි.
