By unusuma.lk on (LK time)
දේශපාලන පක්ෂ පහකට පැවැත්වීමට නියමිත මහ මැතිවරණයට තරග කිරීම සදහා අවසර නොදීමට මැතිවරණ කොමිෂන් සභාව තීරණය කර ඇති බව එම කොමිසමේ සභාපති ආනන්ද රත්නායක සදහන් කරයි.
එම දේශපාලන පක්ෂවල ලේකම්වරුන් දෙතුන් දෙනා සිටින බවට තොරතුරු අනාවරණය වීමෙන් පසුව පක්ෂ නියෝජිතයන් කැඳවා සාකච්ඡා කළ නමුත් පවතින ගැටලුව නිරාකරණය කර ගැනීමට ඔවුන් එකඟත්වයට නොපැමිණීම හේතුවෙන් මෙම තීරණය ගත් බව එහි සභාපති ආනන්ද රත්නායක සදහන් කරයි.
මෙම පක්ෂ පහ සම්බන්ධයෙන් මැතිවරණ කොමිෂන් සභාවට පසුගිය කාලයේදී පැමිණිලි ගණනාවක් ලැබී ඇති බවත් අධිකරණය හරහා හෝ පවතින ගැටලුව නිරාකරණය කරගෙන පැමිණෙන ලෙස පක්ෂ නියෝජිතයන්ට දැනුම් දුන් බවද සභාපතිවරයා සදහන් කරයි.
