By unusuma.lk on (LK time)
අමෙරිකාවේ හදිසි තත්ත්වයක් ප්‍රකාශයට පත්කර ඇති බව විදෙස් මාධ්‍ය වාර්තා කරයි.
බටහිර අමෙරිකාවේ ලොස් ඇන්ජලීස් ආසන්නයේ පැතිර යන ලැව් ගින්නෙන් පැය කිහිපයකින් අක්කර 10 සිට අක්කර 2,900කට වැඩි ප්‍රදේශයක් විනාශ වී ඇති බවත් නිවාස සහ ගොඩනැගිලි 13,000ක වෙසෙන පුද්ගලයින් 30,000කට වැඩි පිරිසක් කඩිනමින් ආරක්ෂිත ස්ථාන කරා යොමු කර ඇති බවද සදහන් කරයි.
පලාගිය ඇතැම් පුද්ගලයින් සිය රථවාහන පවා අත්හැර දමාගිය ගොස් ඇති බවත් එලෙස අත්හැර ගිය රථවාහන හේතුවෙන් ඇතිවූ මාර්ග අවහිරතා ඉවත්කිරීමට බැකෝ යන්ත්‍ර පවා යොදා ගැනීමට සිදුව ඇති බවද විදෙස් මාධ්‍ය වාර්තා කරයි.
පැසිෆික් සාගරයට මුහුණලා පිහිටි සුඛෝපභෝගී කලාපයක් වන පැසිෆික් පැලිසේඩ් හි ඇති වූ මෙම ලැව් ගින්න සැන්ටා මොනිකා සිට මාලිබූ කලාපය දක්වා ව්‍යාප්ත වී ඇති අතර ශීත සමය වුවද කැලිෆෝනියා හි උෂ්ණත්වය සෙල්සියස් අංශක 21 දක්වා ඉහළ ගොස් ඇතැයි ද සදහන් කරයි.
මිලියනයකට වැඩි පිරිසකට ලැව් ගිනි අවදානම් සම්බන්ධයෙන් රතු නිවේදන නිකුත් කර ඇති අතර ලොස් ඇන්ජලීස් නුවර ආශ්‍රිත පුද්ගලයින් 30,000කට පමණ වහාම සිය නිවෙස් වලින් ඉවත්වන්නැයි දැනුම් දී ඇති බවද විදෙස් මාධ්‍ය වාර්තා කරයි.
තවද ලොස් ඇන්ජලිස් ප්‍රාන්තයේ පාරිභෝගිකයින් ලක්ෂ දෙකකට වැඩි පිරිසකට විදුලිය සැපයුම බිඳ වැටී ඇති බවද විදෙස් මාධ්‍ය තවදුරටත් සදහන් කරයි.
