ඉන්ටර්නැෂනල් අධ්‍යක්ෂවරු 8ක් සැගවෙයි.. අල්ලන්න හොයයි.!
නීති විරෝධී මූල්‍ය ජාවාරමක් කුරුණෑගල ප්‍රදේශයේ පවත්වාගෙන ගොස් එහි තැන්පත්කරුවන්ගෙන් රුපියල් කෝටි ගණන් මුදල් ලබාගෙන වංචා කළ බව කියන එම ආයතනයේ අධ්‍යක්ෂවරුන් 8 දෙනකු අත්අඩංගුවට ගැනීමට විමර්ශන සිදු කරන බව අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන අංශය කොළඹ ප්‍රධාන මහෙස්ත්‍රාත් තනුජා ලක්මාලී වෙත පසුගියදා දැන්වීය.
“ඉසිමග ඉන්ටර්නැෂනල් ප්‍රයිවට් ලිමිටඩ්” නමැති මූල්‍ය ජාවාරමට හසු වූ පුද්ගලයන් ශ්‍රී ලංකා මහ බැංකුව වෙත කරන ලද පැමිණිල්ලක් අනුව මෙම විමර්ශන ආරම්භ කර ඇති බව මූල්‍ය අපරාධ විමර්ශන අංශය අධිකරණය හමුවේ සදහන් කරයි.
මෙම මූල්‍ය ආයතනය හරහා සිදුව ඇති වංචාව කොතෙක් ද යන්න පිළිබඳව හෝ මූල්‍ය වංචාවට හසුව ඇති තැන්පත් කරුවන් සංඛ්‍යාව පිළිබඳ මෙතෙක් කරුණු අනාවරණය කරගෙන නොමැති බවත් අදාළ අධ්‍යක්ෂවරුන් අත්අඩංගුවට ගෙන ප්‍රකාශ ලබා ගැනීමෙන් අනතුරුව එම තොරතුරු අධිකරණයට දැනුම්දීමට අවශ්‍ය පියවර ගන්නා බවද විමර්ශන නිලධාරීහු අධිකරණය හමුවේ සදහන් කරයි.
Tell me 💬
2 Comments
Most Voted
