By unusuma.lk on
(LK time)පුත්තලම දිස්ත්රික් ලේකම් එච්.එම්.එස්.පි.හේරත් පැවසූවේ ඊයේ (18) රාත්රියේ සිට අද අලුයම දක්වා ඇද හැලෙනා මහා වර්ෂාවෙන් මහකුඹුක්කඩවල, කරුවලගස්වැව, මාදම්පේ, මුන්දලම, පුත්තලම, හලාවත, ආරච්චිකට්ටුව යන ප්රාදේශීය ලේකම් වසම් වල පවුල් 4769 ක පුද්ගලයින් 19128ක පිරිසක් පිඩාවට පත්ව ඇති බවයි.
දිස්ත්රික් ලේකම්වරයා වැඩිදුරටත් පැවසූවේ ඉන් වැඩිම පිරිසක් පිඩාවට පත්ව ඇත්තේ පුත්තලම ප්රාදේශීය ලේකම් කොඨඨාශයේ වන අතර එහි ග්රාම නිළධාරී වසම් 11 ක පවුල් 4582 ක පුද්ගලෙන් 18497 ක පිරිසක් එසේ අවතැන්ව ඇති බවත් ය.
ගංවතුර හේතුවෙන් මෙලෙස පිඩාවට පත්වු ජනතාව අතරින් පවුල් 340 ක පුද්ගලයින් 1140 ක සංඛ්යාවක් ආරක්ෂීත ස්ථාන හතරක රඳවා ඇති බවත් අදාල ප්රාදේශීය ලේකම් බල ප්රදේශවල ප්රාදේශීය ලේකම්වරුන් හරහා අනිකුත් රාජ්ය නිළධාරීන්ද සම්බන්ධ කර ගනිමින් එම පිරිස් වෙත පිසු ආහාර ලබා දීමටද මේ වන විට ක්රියාත්මක කර ඇති බව සඳහන් වේ.