By unusuma.lk on (LK time)
තමන් ඇතුළු කණ්ඩායම ශ්‍රී ලංකාව සහ ඉන්දියාව අතර බලශක්ති වැඩසටහන ක්‍රියාත්මක කිරීම සම්බන්ධයෙන් ආණ්ඩුවට සහාය ලබාදෙන බව හිටපු ජනාධිපති රනිල් වික්‍රමසිංහ සදහන් කරයි.
තම පාලන සමයේදී ආණ්ඩුව පුනර්ජනනීය බල ශක්තිය පිළිබඳ ඩොලර් මිලියන දෙකක හෝ දෙකහමාරක් වටිනා යෝජනා අනුමත කළ බවත් එම ව්‍යාපෘති අනුමත කරන අවස්ථාවේදී එක් එක් ව්‍යාපෘති වෙනුවෙන් කමිටුවලින් මිල නම් කළ බව හිටපු ජනාධිපතිවරයා සදහන් කරයි.
ආණ්ඩුව විසින් සිදු කරනු ලබන සෙසු කටයුතු සඳහා සහාය දෙන බවත් පසුගිය 2023 – 2024 වසරවල ඉන්දු – ශ්‍රී ලංකා ඒකාබද්ධ නිවේදන අනුව ක්‍රියා කිරීම වඩාත් උචිත බවත් ඉන්දියාව සමග අඛණ්ඩව වැඩ කළ යුතු බවද හිටපු ජනාධිපතිවරයා සදහන් කරයි.
අදානි සමාගම සහ හේලීස් සමාගම සම්බන්ධව මුදල් අමාත්‍යංශයෙන් ව්‍යාපෘති කොමිටියක් පත් කළ බවත් පසුව එම සමාගම් සමග ගනුදෙනු කිරීම සඳහා කැබිනට් මණ්ඩලයෙන් ව්‍යාපෘති පිළිබඳ සාකච්ඡා කොට තීරණ ගැනීමේ කමිටුවක් පත් කළ බවද හිටපු ජනාධිපතිවරයා සදහන් කරයි.
