By unusuma.lk on (LK time)
ගල්කිස්ස, වටරප්පල පාර ප්‍රදේශයේදී අද (07) අලුයම නාඳුනන තුවක්කුකරුවන් දෙදෙනෙකු විසින් සිදුකළ වෙඩි තැබීමකින් පුද්ගලයෙකු ජීවිතක්ෂයට පත්ව ඇති අතර, තවත් අයෙකු තුවාල ලබා රෝහල් ගත කර ඇත.
මෙම වෙඩි තැබීම අලුයම 4.35ට පමණ සිදුව ඇති අතර, යතුරු පැදියකින් පැමිණි නාඳුනන පුද්ගලයින් දෙදෙනෙකු විසින් වෙඩි තැබීම සිදුකර පලා ගොස් ඇති බව පොලීසිය සඳහන් කරයි.
මියගිය පුද්ගලයා ගල්කිස්ස වටරප්පල ප්‍රදේශයේ පදිංචි සුදත් ගෝමස් (36) නමැති අයෙකු වන අතර, තුවාල ලැබූ අය චානුක විමුක්ති පීරිස් (20) නමැති තරුණයෙකු බව වාර්තා වේ.
පොලීසිය පවසන පරිදි, වෙඩි තැබීමට හේතුව මෙතෙක් අනාවරණය වී නොමැති අතර, සිද්ධිය සම්බන්ධයෙන් වැඩිදුර විමර්ශන ක්‍රියාත්මක වේ.
