ගල්කිස්ස මූලස්ථාන පොලීසිය අත්අඩංගුවේ සිටියදී මත්ද්රව්ය ජාවාරම්කාරියක් පලායාමේ සිද්ධියට අදාළව පොලිස් සැරයන්වරුන් දෙදෙනකුගේ සහ පොලිස් කොස්තාපල්වරියකගේ වැඩ තහනමට ලක්කර ඇත.
මෙලෙස වැඩ තහනමට ලක් කර ඇත්තේ රාත්රී කාර්යභාර නිලධාරී ලෙස කටයුතු කළ සහ උපසේවක ලෙස රාජකාරී කළ සැරයන්වරු දෙදෙනා සහ සැකකාරියගේ ආරක්ෂාව සඳහා යොදවා සිටි පොලිස් කොස්තාපල්වරිය බව පොලිස් මූලස්ථානය සඳහන් කරයි.
මොරටුව පොලිස් විශේෂ කාර්ය බළකා කඳවුරේ ස්ථාපිත විශේෂ මෙහෙයුම් ඒකකයේ කණ්ඩායමක් විසින් අදාළ මත්ද්රව්ය ජාවාරම්කාරිනිය පසුගියදා අත්අඩංගුවට ගෙන ඇති අතර එහිදී ඇය සතුවූ හෙරොයින් ප්රමාණය මිලිගෑම් 36,650ක් තිබී ඇත.
සැකකාරිය රැදවුම් නියෝග මත ගල්කිස්ස පොලිස් ස්ථානයේ රඳවා සිටියදී පසුගිය (16) වැනිදා ශාරීරික අවශ්යතාවයක් ඇති බව පවසා කොස්තාපල්වරියක් සමග වැසිකිලියකට යාමේදී ඇය අත්අඩංගුවෙන් මිදී මාර්ගයේ නවතා තිබූ යතුරුපැදියක නැග පලා ගොස් ඇත.
කෙසේ වෙතත් විශේෂ පොලිස් කණ්ඩායමක් විසින් පැය 8කට පසු එදිනම තලවතුගොඩ කිඹුලාඇල ප්රදේශයේදී පලාගිය සැකකාරිය අත්අඩංගුවට ගෙන ඇත.
