By unusuma.lk on [last-modified] (LK time)
රාජ්ය පරිපාලන, පළාත් සභා හා පළාත් පාලන අමාත්යාංශය විසින් රාජ්ය නිලධාරීන්ට දේශීය හා විදේශීය වැටුප් රහිත නිවාඩු අනුමත කිරීම වහාම ක්රියාත්මක වන පරිදි නතර කිරීමට තීරණය කර ඇත.
පසුගිය නොවැම්බර් (24) වන දින පැවති අමාත්ය මණ්ඩල රැස්වීමේදී ගනු ලැබූ තීරණයක් මත මෙම පියවර ගන්නා බව ඊට අදාළ චක්රලේඛය නිකුත් කරමින් රාජ්ය පරිපාලන, පළාත් සභා හා පළාත් පාලන අමාත්යාංශ ලේකම් එස්. ආලෝක බණ්ඩාර දැනුම් දී ඇත.
ඒ අනුව නව නිවාඩු අයදුම්පත්ර හෝ නිවාඩු දීර්ඝ කිරීමේ අයදුම්පත්ර භාරගැනීම වහාම ක්රියාත්මක වන පරිදි නතර කළ යුතු බව අමාත්යාංශ ලේකම්වරයා, සියලුම අමාත්යාංශ ලේකම්වරුන්, පළාත් ප්රධාන ලේකම්වරුන් හා දෙපාර්තමේන්තු ප්රධානීන් වෙත අදාළ චක්රලේඛය මගින් දැනුම් දී ඇත.
