මේ වනවිට පවතින ඉන්ධන සපයා ගැනීමේ ගැටලුව සැලකිල්ලට ගෙන ඊට මුහුණදීම සඳහා රජයේ සේවකයින්ට සතියකට දිනයක් නිවාඩු ලබාදීමට රජය තීරණය කර ඇත.
ඒ අනුව එළැඹෙන බදාදා (18) වනදා සිට සෑම සතියකම බදාදා දිනවල නිවාඩු ලබාදීමට රජය තීරණය කර ඇත.
රජයේ ප්රවෘත්ති දෙපාර්තමේන්තුවේදී විශේෂ ප්රවෘත්ති සාකච්ඡාවක් පවත්වමින් අත්යවශ්ය සේවා කොමසාරිස් ජනරාල් ප්රභාත් චන්ද්රකීර්ති මේ බව සඳහන් කරයි.
අනෙකුත් වැඩකරන සතියේ දින 4කදී කොපමණ සේවකයින් ප්රමාණයක් සේවා ස්ථානයට ගෙන්වා ගැනීමට අවශ්ය ද යන්න සම්බන්ධයෙන් අවශ්ය තීරණය ගැනීමට රාජ්ය ආයතන ප්රධානීන්ට අවසර ලබාදී ඇත.
මේ අතර සියලු රාජ්ය උත්සව කටයුතු තාවකාලිකව නවතා දැමීමට රජය තීරණය කර ඇති බවද කොමසාරිස් ජනරාල් ප්රභාත් චන්ද්රකීර්ති සඳහන් කරයි.