අනතුරුදායක ලෙස සෙල්සියස් අංශක 50ක් දක්වා වු උණුසුම් කාලගුණයකින් ඉන්දියාව සති කීපයක් තිස්සේ පීඩා විදින අතර ඉන්දියාවේ උතුරු සහ වයඹදිග ප්‍රාන්තවලට වැඩිපුර බලපෑම් එල්ල වී ඇති බව ඉන්දීය කාලගුණ විද්‍යා දෙපාර්තමේන්තුව සදහන් කරයි.
දිල්ලි කාලගුණ මධ්‍යස්ථාන තුනක සෙල්සියස් අංශක 50කට ආසන්නව ළඟා වූ අතර සෆ්දර්ජුන් නගරයේ නිල කාලගුණ මධ්‍යස්ථානයේ උෂ්ණත්වය සෙල්සියස් අංශක 45.8ක් ලෙසත් Mungeshpur, Narela සහ Najafgarh හි තදාසන්න ප්‍රදේශවල උෂ්ණත්වය සෙල්සියස් අංශක 49ට වඩා වැඩි බවද සදහන් කරයි.
මුංගේෂ්පූර් සහ නරේලා හි සෙල්සියස් අංශක 49.9ක් වාර්තා වු අතර Najafgarh හි සෙල්සියස් අංශක 49.8ක් ද, Pitampura සහ Pusa හි අංශක 48.5ක් ද වාර්තා වු බවත් මෙය වසර කීපයකින් ඉන්දියාවෙන් වාර්තා වූ වැඩිම උෂ්ණත්වය බව එරට කාලගුණ විද්‍යා දෙපාර්තමේන්තුව සදහන් කරයි.
දිල්ලියේ පවතින අධික උණුසුම නිසා තාප ආඝාතය සහ විජලනය, හෘද ආතතිය වැනි සෞඛ්‍ය අවදානම් අවම කිරීමට අවශ්‍ය විධිවිධාන සලසා ගැනීමට බලධාරීන් මේ වනවිට කටයුතු ආරම්භ කර ඇති බවද ඉන්දීය සෞඛ්‍ය අමාත්‍යංශය සදහන් කරයි.
